Lukas 5:5 - Chuukese Bible

⁵ Simon a pölüeni, “Ai samol, äm aia weires le attau lon unusen ewe pwin, nge aisap liap. Nge fän alom üpwe aturätiu ekewe chew.”

Lukas 5:5 Iomraidhean Croise

Isikiel 47:10

Iwe, chon attau repwe ütä ünükün, nge seni Enketi tori Eneklaim epwe eu lenien ar apwas epilo. Iwe, ikenen lon repwe sokopat usun chök ikenen ewe matau watte.

Lukas 17:13

o kökkö fän leüömong, “Jesus äm samol, kopwe tongeekem!”

Lukas 8:24

Iwe, ra feila ren Jesus, ra föngünätä o üreni, “Sounemenem, sounemenem, arapakan chök sipwele mäla.” Iwe, Jesus a pwätä o a allük ngeni asepwäl me no, iwe, ewe asepwäl a sötiu, a pwal lüala won matau.

Lukas 8:45

Jesus a ais, “Iö a atapaei?” Ir meinisin ra apasa pwe sap ir. Iwe, Petrus a üra, “Sounemenem, ekewe aramas meinisin ra nom ünükum o etiepach ngonuk.”

Lukas 9:33

Lupwen ekewe ruoman mwän ra feil seni Jesus, Petrus a üreni, “Sounemenem, a fokun öch ach nonom ikei. Aipwe aüetä ülüngat imw mangaku, eu fän itom, eu fän iten Moses nge pwal eu fän iten Elias.” (Petrus esap wesewesen weweiti met i a kapas usun.)

Lukas 9:49

Iwe, Johannes a üreni Jesus, “Sounemenem, äm aia küna eman mwän a asüela anün rochopwak fän itom, nge äm aia üreni pwe epwe ükütiu, pun i esap chiechiach.”

Johannes 15:14

Iwe, ämi chiechiei kana, are oupwe apwönüetä mine üa allük ngenikemi.

Johannes 2:5

Mürin inen Jesus a üreni ekewe chon angang, “Oupwe chök föri mine a ürenikemi.”

Johannes 21:3

Iwe, Simon Petrus a üreni chiechian kewe, “Ngang üpwe feila attau.” Ra üreni, “Äm aipwe etuk.” Iei mine ra feila o tötä won efoch wa. Nge lon unusen ewe pwin resap liapeni eman.