Lukas 5:38 - Chuukese Bible

³⁸ Nge wain mi fö sipwe alölöülong lon pör mi fö.

Lukas 5:38 Iomraidhean Croise

Isikiel 36:26

Iwe, üpwe ngenikemi eu leluk mi fö, üpwe pwal fangelong lomi eman ngün mi fö. Üpwe angei me leutumi ewe leluk mi pöchökül usun fau o ngenikemi eu leluk mi pwetete.

Mateus 9:17

Esap pwal wor eman a alölöülong wain mi fö lon pör mi mes seni silin man, pun ekewe pör repwe mökküla o ewe wain epwe nitiu, nge ekewe pör repwe fokun tala. Pun a öch pwe wain mi fö epwe nom lon pör mi fö, pwe ir me ruu repwe nükünüköch.”

Lukas 5:37

Esap pwal wor eman epwe alölöülong wain mi fö lon eu pör seni silin man mi mes, pun ewe wain mi fö epwe amökkü ewe pör, iwe, ewe wain epwe nitiu le pwül, nge ewe pör epwe mökküla.

Lukas 5:39

Esap wor eman epwe mochen ünümi wain mi fö mürin an ünümi ewe wain mi mes, pun a apasa, ‘Ewe wain mi mes a annö seni ewe wain mi fö.’”

2. Korint 5:17

Iei mine are eman a nonom lon Kraist, i eman förien Kot mi fö. Ewe manauen lom a wes, nge eu manau mi fö a fis.

Kalatia 2:4

usun ekoch ra mochen. Ekei mwän ra pomweni pwe ir chiechiach chon lükülük o ra anifilong lon ach mwich pwe repwe operi ach ngas sia eäni lon Kraist Jesus. Ra mochen ach sipwe wewe ngeni amanau lon ach sipwe apwönüetä mine ekewe allük ra apasa pwe sipwe föri.

1. Timoty 4:8

Pun ach achocho le asipa inisich a atoto ekis chök feiöch, nge ach achocho le asipakich lon ach souläng a atoto rech feiöch meinisin, pun a pwon ngenikich manau lon ei fansoun ikenai pwal lon ekewe fansoun repwe feito.

Pwärätä 21:5

Mürin ewe mi mot won ewe lenien motun king a apasa, “Nengeni, üpwe asöfösefäli mettoch meinisin.” A pwal üreniei, “Kopwe makkeetiu ekei kapas, pun ra let o allükülük.”