Lukas 5:33 - Chuukese Bible

³³ Iwe, ekoch aramas ra üreni Jesus, “Nöün Johannes kewe chon kaiö ra echikefel fän chomong o iotek, pwal usun chök nöün ekewe Farisi kewe chon kaiö. Nge noumw kewe chon kaiö ra chök momongö o ükün.”

Lukas 5:33 Iomraidhean Croise

Än Salomon Fos 28:9

Are eman esap aleasochisi ekewe allük, Kot epwe oput an iotek.

Aisea 1:15

Lupwen ämi oua aitietä pöümi le iotek, üsap nenengenikemi. Nge lupwen oua fen kapaspat lon ämi iotek, üsap fokun aüseling, pun oua lepöücha ren ämi niela aramas.

Sekaraia 7:6

Nge lupwen oua mongö o ün, ifa usun, ousap mongö o ün fän püsin itemi chök?”

Mateus 23:13

“Feiengauemi, ämi Sensen Allük me Farisi! Ämi chon likatuputup! Oua öpüngala ewe asam ngeni Mwün Läng seni aramas. Nge püsin ämi ousap tolong lon, ousap pwal mwüt ngeni chokewe mi mochen tolong ar repwe tolong.

Markus 12:40

Ra angemwäli imwen ekewe fefin mi mä pwülüer, mürin ra einga ngeni aramas ar iotek mi langatam. Ätekewe repwe küna apwüng mi fokun chou.”

Lukas 11:1

Lon eu rän Jesus a iotek lon eu leni. Lupwen a wes le iotek, eman lein nöün kewe chon kaiö a üreni, “Äm Samol, kopwe aiti ngenikem iotek usun Johannes a aiti ngeni nöün kewe chon kaiö.”

Lukas 18:12

Ngang üa echikefel fän ruu lon eu wiik, üa pwal fangala leengolun meinisin mine üa eäni.’

Lukas 2:37

Iwe, lupwen pwülüan a mäla, a lipichsefäl tori iei a ierini walik me rüanü. Neminei esap feila seni ewe imwenfel, pwe a chök fel ngeni Kot lerän me lepwin fän echikefel me ikiotek.

Lukas 20:47

Ra angemwäli imwen ekewe fefin mi mä pwülüer, mürin ra einga ngeni aramas ar iotek mi langatam. Ätekewe repwe küna apwüng mi fokun chou.”

Lukas 5:32

Ngang üsap feito, pwe üpwe köri ekewe chon pwüng ar repwe ekieksefäl, pwe ekewe chon tipis.”

Lukas 5:34

Jesus a pölüeniir, “Ifa usun, oua ekieki pwe ekewe chon kökkö ngeni fetallapen apwüpwülü ra echik lupwen ewe mwän apwüpwülü söfö a nom rer? Resap fokun echik lupwen fansoun a nom rer.

Johannes 1:35

Sorotän ewe rän Johannes me ruoman nöün kewe chon kaiö ra pwal ütä ikenan.

Johannes 3:25

Iwe, ekoch nöün Johannes kewe chon kaiö ra popuetä le anini ngeni eman re Juta usun ar limeti inisiir me mettochur lon pwüngün ar lamalam.

Föför 9:11

Ach Samol a üreni, “Kopwe amolokotä o feila lon imwen Jutas mi nom won ewe al itan Wenechar o ais usun eman mwän itan Saul seni Tarsus, pun i a iotek.