Lukas 5:32 - Chuukese Bible

³² Ngang üsap feito, pwe üpwe köri ekewe chon pwüng ar repwe ekieksefäl, pwe ekewe chon tipis.”

Lukas 5:32 Iomraidhean Croise

Aisea 57:15

Pun iei alon Ewe mi Unusen Tekia, ewe mi manau tori feilfeilachök, itan Ewe mi Pin, “Ngang üa imweimw lon eu leni mi pin o tekia, pwal ren eman mi luketatakis o tipetekison, pwe üpwe amanaua ngüngün chon tipetekison o apöchöküla leluken chon liamam.

Mateus 18:10

“Oupwe tümwünüfichi pwe ousap aücheangauei eman ekei kükün. Pun üpwe ürenikemi, pwe nöür chon läng ra nom mwen Semei lon läng fansoun meinisin.

Mateus 9:13

Oupwe feila o kütta wewen ei kapas lon ewe Toropwe mi Pin, ‘Üa mochen pwe aramas repwe eäni tong enlet, nge sap ar repwe asor man ngeniei.’ Ngang üsap feito pwe üpwe kökköri ekewe chon pwüng, pwe fen ekewe chon tipis.”

Markus 15:10

Pun Pilatus a mefi, pwe ekewe souasor mi lap ra etekinala Jesus pwe epwe kapwüng pokiten ar lolowo.

Markus 15:7

Iwe, a wor eman mwän lon imwen fötek itan Parapas, i eman me lein ekewe chon afitikoko mi niela aramas.

Markus 2:17

Lupwen Jesus a rongorong ngeni ekei kapas a üreniir, “Esap lomot eman sousafei ngeni aramas mi pöchökül, nge a lomot ngeni chök chon samau. Ngang üsap feito pwe üpwe köri ekewe chon pwüng, pwe ekewe chon tipis.”

Lukas 15:10

Ngang üpwe ürenikemi, ina chök usun nöün Kot kewe chon läng repwe fokun pwapwa fän iten eman chon tipis mi aier.”

Lukas 15:7

Ngang üpwe ürenikemi, ina chök usun epwe wor watten pwapwa lon läng fän iten eman chon tipis mi aier, lap seni ekewe tiwe me tiweman aramas mi pwüng, ra ekieki pwe esap wor lomoten ar repwe aier.

Lukas 19:10

Pun nöün aramas a feito pwe epwe kütta o amanaua ekewe chon mwalechela.”

Lukas 24:47

Ren itan oupwe afalafala chon ekewe mwü meinisin, pwe repwe ekieksefäl, pwe Kot epwe amusala ar tipis, nge oupwe popuetä lon Jerusalem.

Lukas 5:31

Jesus a pölüeniir, “Aramas mi pöchökül esap lomot ngeniir eman sousafei, nge a lomot ngeni ekewe chon samau.

Lukas 5:33

Iwe, ekoch aramas ra üreni Jesus, “Nöün Johannes kewe chon kaiö ra echikefel fän chomong o iotek, pwal usun chök nöün ekewe Farisi kewe chon kaiö. Nge noumw kewe chon kaiö ra chök momongö o ükün.”

Föför 17:30

Iwe, Kot a manlükala ekewe fansoun lupwen aramas resap silei i. Nge iei a allük ngeni aramas meinisin lon ekewe leni meinisin pwe repwe kul seni ar föför mi ngau.

Föför 2:38

Petrus a pölüeniir, “Ämi meinisin oupwe aier seni ämi tipis kana o papatais ngeni iten Jesus Kraist, pwe ämi tipis kana repwe musala. Iwe, oupwe angei an Kot we lifang, ewe Ngünmifel.

Föför 20:21

Üa apöchöküla ai fön ngeni ekewe chon Juta me ekewe chon lükün Israel, pwe repwe kul seni ar tipis kana o kul ngeni Kot, repwe pwal lükü ach Samol Jesus.

Föför 3:19

Oupwe ekieksefäl o kul ngeni Kot, pwe ämi tipis epwe mola,

Föför 3:26

Iei usun Kot a filätä nöün Chon Angang o tinato akom remi, pwe epwe afeiöchükemi ren an alisikemi pwe ämi meinisin oupwe kul seni ämi föför mi ngau.”

Föför 5:31

Nge Kot a atekiatai o anomu lepelifichin pwe epwe Samol me Chon Amanau, pwe epwe awora ekieksefäl me amusamusen tipis ngeni chon Israel.

2. Petrus 3:9

Ewe Samol esap mang le apwönüetä an pwon usun ekoch ra ekieki, pwe a mosonotam ngenikemi, pun esap mochen pwe eman epwe pöütmwälila, nge a fen mochen pwe meinisin repwe ekieksefäl.