Lukas 5:30 - Chuukese Bible

³⁰ Iwe, ekoch ekewe Farisi me ekoch Sensen Allük mi choni ar kewe mwich, ra ngününgün ngeni nöün Jesus kewe chon kaiö o aisiniir, “Pwota oua mongö o ün me ekewe chon ioni takises me ekewe chon tipis?”

Lukas 5:30 Iomraidhean Croise

Aisea 65:5

Iwe, ra apasa ngeni chon aruur, ‘Ousap kanoto rem o atapakem, pun aia kon pin senikemi.’ Ekei aramas ra usun chök eu ekkei mi ötüpwaro, a ötütä lon pwöti iteiten rän.

Mateus 5:46

Are oua chök echeni chokewe mi echenikemi, esap wor och liwin oupwe angei. Pwal mwo nge ekewe chon ioni takises ra föri ei sokun.

Mateus 9:11

Lupwen ekewe Farisi ra küna ei, ra üreni nöün kewe chon kaiö, “Pwota nöümi we sense a mongöfengen me ekewe chon ioni takises me chon tipis?”

Markus 2:16

Iwe, ekoch Sensen Allük, ir Farisi, ra küna pwe Jesus me ekewe chon tipis me chon ioni takises ra mongöfengen. Iei mine ra aisini nöün kewe chon kaiö, “Pwota ätei a mongöfengen me ekei sokun aramas?”

Markus 7:3

(Pun ekewe Farisi me ekewe chon Juta meinisin ra apwönüetä mine ar kewe lewo ra eäni kait ngeniir. Resap tongeni mongö are resap mwo talü pöür lon ei sokun lapalap.

Markus 9:16

Iwe, Jesus a aisini nöün kewe chon kaiö, “Met oua aninifengen won me ekewe Sensen Allük?”

Lukas 18:11

Iwe, ewe Farisi a ütä, a iotek lon lelukan o üra, ‘Ai Kot, üa kilisou ngonuk, pwe üsap usun ekewe ekoch aramas, ir chon solä, chon pwüngingau, chon lisowu, ika fen pwal usun ei chon ioni takises.

Lukas 19:7

Lupwen ekewe aramas meinisin ra küna mine a fis, ra ngününgünfengen lefiler, “Ei mwän a wasöla ren eman chon tipis.”

Lukas 5:17

Lon eu rän, lupwen Jesus a afalafal, ekoch ekewe Farisi me Sensen Allük ra mot ren, ra feito seni ekewe telinimwen Kalilea me Jutea meinisin, pwal seni Jerusalem. Iwe, manamanen ewe Samol a nom ren Jesus, pwe a tufichin apöchöküla ekewe chon samau.

Lukas 5:21

Iwe, ekewe Sensen Allük me ekewe Farisi ra popuetä le ekieki lon leluker, “Iö ei mwän a apasa ekei kapasen turunufas? Iö a tongeni amusala tipis, sap Kot echök?”

Lukas 7:34

Nöün Aramas a feito, a mongö o ün, nge ämi oua apasa, ‘Ou nengeni ei mwän! I eman mi mongömong o ünümong, eman mi chiechi ngeni ekewe chon ioni takises me chon tipis.’

Lukas 7:39

Lupwen ewe Farisi mi köri Jesus pwe epwe mongö ren a küna ei, a ekieki lon lelukan, “Are ei mwän wesewesen eman soufos, epwe silei iön ewe fefin a atapa. Epwe silei pwe i eman fefin mi tipis.”

Föför 23:9

Iwe, ar kapas a leüömongola o ekoch seni ekewe Sensen Allük, ir seni lon ewe mwichen Farisi, ra ütä o ra pöchökül le anini, “Äm aisap tongeni küna och mwälin ei mwän! Eli eman ngün ika eman chon läng a wesewesen kapas ngeni!”