Lukas 5:25 - Chuukese Bible

²⁵ Lon ewe chök otun ewe mwän a ütä me mwer meinisin, a angei kian o liwinla lon lenian fän an mwareiti Kot.

Lukas 5:25 Iomraidhean Croise

Keneses 1:3

Mürin, Kot a apasa, “Epwe saram.” Iwe, a saramala.

Kölfel 33:9

Pun mine a apasa a fisitä, nge mine a allük a pwönüetä.

Kölfel 50:23

Eman mi kilisou ngeniei ina an asor ngeniei. Ren ei a asamoluei, nge eman mi aleasochisiei üpwe fokun amanaua.”

Mateus 9:8

Iwe, lupwen ewe mwichen aramas a küna mine a fis, ra niuokus o mwareiti Kot ren an ngeni aramas ei sokun manaman.

Markus 2:12

Lupwen ir meinisin ra nengeni, ewe mwän a ütä, a angei kian o feila. Iwe, ir meinisin ra wesewesen mairü, ra mwareiti Kot o apasa, “Sisap küna mwo och mi wewe ngeni ei.”

Lukas 13:13

Iwe, Jesus a iseis pöün won, lon ewe chök otun ewe fefin a wenecharatä o mwareiti Kot.

Lukas 18:43

Lon ewe chök otun ewe mwän a küna mwan, a tapwela mürin Jesus o kilisou ngeni Kot. Lupwen ewe mwichen aramas ra küna ei, ir meinisin ra mwareiti Kot.

Lukas 5:13

Iwe, Jesus a aitiela pöün, a atapa inisin ewe mwän o apasa, “Ngang üa mochen, kopwe limöch.” Lon ewe chök otun ewe rupun pwötür a mola me won inisin ewe mwän.

Johannes 9:24

Iwe, ra kökkörato ewe mwän mi mesechun me mwan fän aruuan o üreni, “Kopwe pwon fän mesen Kot pwe kopwe pwärätä mine a let! Äm aia silei pwe ei mwän mi anenelok i eman chon tipis.”