Lukas 5:24 - Chuukese Bible

²⁴ Ngang üpwe allükülükü ngenikemi, pwe Nöün Aramas a wor an pwüüng won fanüfan pwe epwe amusala tipis.” Iei mine a üreni ewe mwän mi mwök, “Üpwe ürenuk: Kopwe ütä, angei kiom o feila lon imwom.”

Lukas 5:24 Iomraidhean Croise

Aisea 53:11

Iwe, wesin an riaföü lon manauan epwe eäni ewe saramen manau o pwapwa ren. Nge ren an silei Kot nei chon angang mi pwüng epwe afisätä än chomong aramas pwüng, epwe pwal uwei ar tipis.

Taniel 7:13

Mürin üa küna me lon künaei lepwin eman a feito me lon kuchun läng, a usun chök lapalapen eman nöün aramas. Iwe, ra emwenato ren Kot ewe mi nom seni me lomlom, pwe epwe nom fän mesan.

Mateus 16:13

Iwe, Jesus a feila ngeni ewe fanü arap ngeni ewe telinimw Seserea Filipi. Ikenan a aisini nöün kewe chon kaiö, “Met aramas ra apasa usun Nöün Aramas iö i?”

Mateus 25:31

“Iwe, lupwen Nöün Aramas epwe war lon lingan o chon läng meinisin repwe eti, epwe mot won an lenien motun king mi ling.

Mateus 26:64

Jesus a pölüeni, “Ewer, usun om apasa. Nge üpwe ürenikemi meinisin: Seni ei fansoun oupwe küna Nöün Aramas a mot lepelifichin Ewe mi unusen Manaman, epwe war won kuchun läng.”

Mateus 28:18

Nge Jesus a kan ngeniir o üreniir, “Nemenem meinisin won läng me fanüfan a toriei.

Mateus 4:24

Iwe, pworausen Jesus a chöfetal lon unusen ewe fanü Siria, pwe ekewe aramas ra uwato ren ekewe chon samau meinisin, chokewe mi üriir sokopaten samau o metek, aramas mi waan anü, mään kawakau me aramas mi mwök. Iwe, Jesus a apöchöküleretä meinisin.

Mateus 9:6

Iwe, ngang üpwe alükülükü ngenikemi, pwe Nöün Aramas a wor an pwüüng won fanüfan an epwe amusala tipis.” Iei mine a üreni ewe mwän mi mwök, “Kopwe ütä, angei kiom o feila lon imwom.”

Lukas 5:13

Iwe, Jesus a aitiela pöün, a atapa inisin ewe mwän o apasa, “Ngang üa mochen, kopwe limöch.” Lon ewe chök otun ewe rupun pwötür a mola me won inisin ewe mwän.

Lukas 5:18

Iwe, ekoch mwän ra ekieto eman mwän mi mwök won eu peet. Ra sotuni ar repwe ekielong lon ewe imw o anomu mwen Jesus,

Lukas 5:23

Meta a mecheres ai üpwe apasa, ‘Om tipis kana ra musola,’ are ai apasa, ‘Kopwe ütä o fetal?’

Lukas 7:14

Iwe, Jesus a feiliti ewe pwor ewe somä a nom lon o atapa, nge ekewe aramas mi eki ewe pwor ra köüla. Iwe, Jesus a apasa, “Nei alüal, üa ürenuk, kopwe pwätä.”

Lukas 8:54

Nge Jesus a amwöchü pöün ewe nengin o apasa fan leüömong, “Nengin, kopwe pwätä!”

Johannes 11:43

Mürin an apasa ekei kapas, a kökkö fän mwelian mi leüömong, “Lasarus, kopwe towu!”

Johannes 17:2

Pun ka ngeni nemenem won aramas meinisin, pwe epwe ngeni chokewe en ka ngeni manau esemüch.

Johannes 3:13

Esap wor eman a feitä läng pwe Nöün Aramas chök, ewe mi feitiu seni läng.

Johannes 5:27

Iwe, a ngeni ewe Nau ewe wis pwe epwe souapwüng, pun i ewe Nöün Aramas.

Föför 14:10

o apasa fän leüömong, “Kopwe üwenewenetä won pecheöm!” Iwe, ewe mwän a mwetetä o popuetä le fetalfeil.

Föför 5:31

Nge Kot a atekiatai o anomu lepelifichin pwe epwe Samol me Chon Amanau, pwe epwe awora ekieksefäl me amusamusen tipis ngeni chon Israel.

Föför 9:34

Iwe, Petrus a üreni, “Äneas, Jesus Kraist epwe apöchökülok iei. Kopwe pwätä o önü kiom.” Lon ewe chök otun Äneas a pwätä.

Föför 9:40

Iwe, Petrus a atowu ekewe aramas meinisin me lon ewe ruum, a fotopwäsuketiu o iotek. Mürin a kul ngeni ewe somä o apasa, “Tapita, kopwe pwätä!” Iwe, neminewe a nenela, nge lupwen a küna Petrus a pwätä.

Pwärätä 1:13

nge lukalapen ekewe fisu lenien atittin a wor eman a usun chök lapalapen eman nöün aramas, a üföüf echö üf mi tametiu tori apachapachan o a riri ngeni fän mwärin efoch riri seni kolt.