Lukas 5:22 - Chuukese Bible

²² Iwe, Jesus a silei ar ekiek o üreniir, “Pwota oua ekieki ei sokun?

Lukas 5:22 Iomraidhean Croise

1. Kronika 28:9

Nge en Salomon nei mwän, kopwe lükü än semom we Kot, kopwe pwal angang ngeni ren unusen lelukom me mochenin letipom. Pun ewe Samol mi Lapalap a etittina letip meinisin o weweiti iteiten akot me ekiek. Are ka kul ngeni Kot, i epwe etiwok, nge are ka likitala i, i epwe pöütukela tori feilfeilachök.

Kölfel 139:2

Ka silei fansoun ai mottiu me ai ütä, ka silei ai ekiek kana me toau.

Än Salomon Fos 15:26

Ewe Samol mi Lapalap a oput än ekewe aramasangau ekiek, nge a pwapwaiti än chokewe mi limöch leluker kapas.

Aisea 66:18

Iwe, pokiten üa silei ar föför me ar ekiek, üpwe feito o achufengeni chon ekewe mwü meinisin. Repwe feito o nenengeni ai ling.

Isikiel 38:10

Iei alon Kot ewe Samol mi Lapalap ngeni Kok, “Lon ena rän kopwe aüfarafarätä ekiekin lelukom usun angangen rawangau.

Mateus 12:15

Lupwen Jesus a rong usun ar ekiekin rawangauei, a feila seni ewe leni, nge eu mwichen aramas mi chomong a tapwela mürin. Iwe, a apöchöküla ekewe chon samau meinisin

Mateus 12:25

Jesus a silei ar ekiek o üreniir, “Are eu mwü a kinikinfesen o fiufengen, ei mwü esap tongeni nonomola. Are chon eu telinimw ika eu famili repwe kinikinfesen o fiufengen lefiler, repwe parasfesen.

Mateus 9:4

Nge Jesus a silei ar ekiek o üreniir, “Pwota oua ekieki ei sokun ekiek mi ngau lon lelukemi?

Markus 8:17

Nge Jesus a silei mine ra kapasfengen lefiler, iei mine a aisiniir, “Pwota oua kapasfengen usun an esap wor remi pilawa? Ifa usun, ousap mwo silei are weweöch ren? Ifa usun, lelukemi a chüen üleförea?

Lukas 24:38

Jesus a üreniir, “Pwota oua niuokus? Pwota oua tipemwaramwar lon letipemi?

Lukas 5:21

Iwe, ekewe Sensen Allük me ekewe Farisi ra popuetä le ekieki lon leluker, “Iö ei mwän a apasa ekei kapasen turunufas? Iö a tongeni amusala tipis, sap Kot echök?”

Lukas 5:23

Meta a mecheres ai üpwe apasa, ‘Om tipis kana ra musola,’ are ai apasa, ‘Kopwe ütä o fetal?’

Föför 5:3

Mürin Petrus a üreni, “Ananias, pwota ka mwüt ngeni Satan pwe epwe nemeni letipom, pwe ka chofona ngeni Ngünmifel ren om aopala och seni ewe moni ka angei fän iten fanüom we?

Ipru 4:12

Pun än Kot kapas a manau o manaman, a ken seni efoch ketilas mi seisei me rüepek. A tililong lon manauach o aimwüfeseni letipach me ngünüch, pwal lekupukupun lon chü me fituken lon chü. A pwal apwüngü mochen me ekiekin letipen aramas.

Pwärätä 2:23

Üpwe pwal niela nöün kana. Mürin chon ekewe mwichefel meinisin repwe silei pwe ngang ewe eman mi silei ekiek me letipen aramas meinisin. Iwe, üpwe liwini ngeni eman me eman ükükün liwinin an föför.