Lukas 5:21 - Chuukese Bible

²¹ Iwe, ekewe Sensen Allük me ekewe Farisi ra popuetä le ekieki lon leluker, “Iö ei mwän a apasa ekei kapasen turunufas? Iö a tongeni amusala tipis, sap Kot echök?”

Lukas 5:21 Iomraidhean Croise

Kölfel 103:3

A amusala ai tipis meinisin o amoela ai apwangapwang meinisin,

Kölfel 130:4

Nge en ka amusala äm tipis, pwe aipwe niuokusituk.

Kölfel 32:5

Mürin üa pwärätä ai tipis ngonuk, nge üsap aopala ai pwüngingau. Üa apasa, “Üpwe pwärätä ngeni ewe Samol mi Lapalap ai pupungau.” Iwe, ka amusala ai tipis meinisin.

Kölfel 35:5

Amwo repwe usun chök pön wiich asepwäl a ässala, nge nöün ewe Samol mi Lapalap chon läng epwe asürela.

Aisea 1:18

Iei alon ewe Samol mi Lapalap, “Ou etto, ousipwe pwüngüpwüngfengen. Oua limengau ren tipis usun eman a limengau ren cha. Nge ngang üpwe limetikemi pwe oupwe limöch usun pwechepwechen sno. Inamwo are oua limengau usun mangaku mi fötöpwül, oupwe fokun limöch.

Aisea 43:25

Ngang, ngang chök ewe Kot mi amoela om pupungau fän püsin itei, nge üsap chüen chechemeni om tipis kana.

Aisea 44:22

Üa amorala om tokotokongau usun eu kuchu, pwal om tipis kana usun och ötüöt. Kopwe liwinitiei, pun ngang üa angasok.”

Taniel 9:19

Äm Samol, kose mochen kopwe aüselingakem o amusala äm tipis. Äm Samol, kose mochen kopwe aüselinga kem o amüttirato om alilis ngenikem pokiten itom, pwe aramas meinisin repwe silei pwe en Kot. Pun ei telinimw om, nge ekei aramas noum.”

Taniel 9:9

En chök äm Samol me äm Kot ka eäni tong, ka pwal amusala tipis. Nge äm aia ü ngonuk,

Lifitikos 24:16

Nge iö a turunufasei iten ewe Samol mi Lapalap epwe ninnila. Ekewe chon Israel meinisin repwe monei ngeni fau. Eman mi turunufasei ewe it mi pin epwe ninnila, ese lifilifil ika i eman chon ekis mi nom leimi ika eman chon wilipos.

Mika 7:19

Kopwe pwal tongeesefälikem. Kopwe purätiu äm kewe föföringau fän pecheöm o aturätiu äm kewe tipis lealololun matau.

Mateus 26:65

Mürin ewe Souasor mi Lap a kamwei üfan o apasa, “A eäni kapasen turunufas! Pwota sia chüen mochen angei kapasen atutur? Nengeni, iei oua püsin rongorong an kapasen turunufas.

Mateus 9:3

Mürin ekoch ekewe Sensen Allük ra ekieki lon leluker, “Ei mwän a eäni kapasen turunufas!”

Lukas 3:8

Oupwe föri sokun föför epwe pwärätä pwe oua aier seni ämi tipis, nge ousap popuetä le apasa lefilemi, ‘Äm mwirimwirin Apraham.’ Pun ngang üpwe ürenikemi, pwe Kot a tongeni angei ekei fau o föri seniir pwe repwe mwirimwirin Apraham.

Lukas 5:17

Lon eu rän, lupwen Jesus a afalafal, ekoch ekewe Farisi me Sensen Allük ra mot ren, ra feito seni ekewe telinimwen Kalilea me Jutea meinisin, pwal seni Jerusalem. Iwe, manamanen ewe Samol a nom ren Jesus, pwe a tufichin apöchöküla ekewe chon samau.

Lukas 5:22

Iwe, Jesus a silei ar ekiek o üreniir, “Pwota oua ekieki ei sokun?

Lukas 7:49

Iwe, ätekewe mi eti Jesus le mot ngeni chepel ra kapasfengen lefiler, “Iö ätei pwe a mwo nge amusala tipis?”

Johannes 10:33

Iwe, ra pölüeni, “Äm aisap mochen mone ngonuk fau fän iten och föför mi öch, nge pokiten om kapasen turunufas ka apasa. Pun en eman aramas chök, nge ka püsin ekieki pwe en Kot.”

Nöün Paulus Toropwe ngeni ekewe Souläng lon Rom 8:33

Iö epwe atipisi afilien Kot kewe? Püsin Kot a pwärätä pwe resap tipis!