Lukas 5:13 - Chuukese Bible

¹³ Iwe, Jesus a aitiela pöün, a atapa inisin ewe mwän o apasa, “Ngang üa mochen, kopwe limöch.” Lon ewe chök otun ewe rupun pwötür a mola me won inisin ewe mwän.

Lukas 5:13 Iomraidhean Croise

Keneses 1:3

Mürin, Kot a apasa, “Epwe saram.” Iwe, a saramala.

Keneses 1:9

Mürin, Kot a pwal apasa, “Lölön pekitiu repwe chufengen lon lenier pwe epwe pwä lenien pwasapwas.” Iwe, a pwal fis.

2. King 5:10

Nge Elisa a tinala eman chon künö ren pwe epwe üreni, “Kopwe feila o tütü fän fisu lon ewe chanpupu Jortan. Iwe, inisum epwe kiliöch o limöch.”

2. King 5:14

Iei mine Naeman a feila ren ewe chanpupu Jortan o tütiu lon fän fisu, usun mine Elisa a kapas ngeni. Iwe, inisin Naeman a kiliöch o limöch usun chök inisin eman mönükol.

Kölfel 33:9

Pun mine a apasa a fisitä, nge mine a allük a pwönüetä.

Isikiel 36:29

Üpwe angasakemi o limetikemi seni ämi limengauen tipis meinisin. Iwe, üpwe achomongato wiich, nge üsap chüen tinato lengita remi.

Osea 14:4

Iwe, ewe Samol mi Lapalap a üra, “Üpwe aliwinato nei aramas o tongeer seni unusen letipei, pun üsap chüen song ngeniir.

Mateus 8:3

Jesus a aitiela pöün, a atapa ewe mwän o apasa, “Ngang üa mochen, kopwe limöch.” Lon ewe chök otun ewe rupun pwötür won ewe mwän a wesila.

Lukas 4:39

Iwe, Jesus a feila ren, a ütä arun än neminewe we peet o üreni ewe pwichikar pwe epwe towu seni. Iwe, ewe pwichikar a towu seni. Lon ewe chök otun neminewe a pwätä o a tümwünüür.

Lukas 5:12

Iwe, lupwen Jesus a nom lon eu kewe telinimw, a feito eman mwän mi kula inisin ren rupun pwötür. Lupwen a küna Jesus, a chapetiu le pwül o tüngormau ngeni, “Ai Samol, are ka mochen ka tongeni limetiei.”

Lukas 5:14

Mürin Jesus a allük ngeni ewe mwän, “Kosap apworausa ngeni eman mine a fis ngonuk. Nge kopwe feila ren ewe souasor pwe epwe nenengenuk. Mürin kopwe eäni ewe asor Moses a allük fän iten om limelim, pwe epwe alletätä ngeni aramas pwe ka limöch.”