Lukas 5:12 - Chuukese Bible

¹² Iwe, lupwen Jesus a nom lon eu kewe telinimw, a feito eman mwän mi kula inisin ren rupun pwötür. Lupwen a küna Jesus, a chapetiu le pwül o tüngormau ngeni, “Ai Samol, are ka mochen ka tongeni limetiei.”

Lukas 5:12 Iomraidhean Croise

Keneses 18:14

Ifa usun, epwe wor och ewe Samol mi Lapalap esap tufich ngeni? Üpwe fokun liwinto reöm mürin eu ier, usun üa fen pwon ngonuk me mwan. Lon na otun Sara epwe nöüni eman ät.”

1. King 18:39

Iwe, lupwen ekewe aramas meinisin ra küna mine a fis, ra chapetiu lepwül o kökkö, “Ewe Samol mi Lapalap i Kot, ewe Samol mi Lapalap i chök Kot.”

2. King 5:1

Iwe, Naeman ewe meilapen mwichen sounfiu nöün ewe kingen Siria i eman mwän mi itetekia me iteföüla me ren an samol, pun ewe Samol mi Lapalap a ewinna ekewe chon Siria ren Naeman. Ätei eman sounfiu mi fokun pwora, nge a rupun pwötür.

2. King 5:27

Iei mine ewe rupun pwötür mi nom won Naeman epwe tökuk me mwirimwirum kana tori feilfeilachök.” Iwe, lupwen Kehasi a towu seni fän mesen Elisa, a rupun pwötür, pwe ünüchan a pwechepwech usun snow.

2. King 7:3

Iwe, a wor föman mwän mi rupun pwötür, ra nom lükün asamalapen ewe tittin Samaria. Ra kapasfengen lefiler, “Pwota sipwe chök momot ikei tori sipwe mäla?

1. Kronika 21:16

Iwe, Tafit a anetai mesan o küna nöün ewe Samol mi Lapalap we chon läng pwe a ütä lefilen fanüfan me läng, nge a amwöchü lepöün efoch ketilas mi itila won Jerusalem. Mürin, Tafit me ekewe souakom mi üföüf üf seni tuk ra chapetiu lepwül.

Kölfel 50:15

Oupwe köriei lon ränin ämi riaföü, pun ngang üpwe angasakemi, nge ämi oupwe mwareitiei.”

Kölfel 91:15

Are epwe köriei, üpwe pälüeni. Üpwe nom ren lon an riaföü, üpwe angasa o aitöchü.

Ekistos 4:6

Iwe, ewe Samol mi Lapalap a pwal üreni Moses, “Kopwe sökalong poum lon üfom.” Iwe, a sökalong, nge lupwen a sökawu, pöün a rupun pwötür usun chök pwechepwechen snow.

Lifitikos 13:16

Nge are ewe fituk mi parapar won ewe aramas a siwil ngeni fituk mi pwechepwech, epwe feito ren ewe souasor.

Lifitikos 9:24

Iwe, ewe Samol mi Lapalap a tinato ekkei o kenala ewe asoren kek me ewe kiris mi nom won ewe rongen asor. Nge lupwen ekewe aramas meinisin ra küna, ra mweireir ren ar pwapwa o chapetiu lepwül.

Mateus 26:6

Iwe, Jesus a nom lon Petania lon imwen Simon, eman mwän mi üri rupun pwötür me mwan.

Mateus 9:28

Iwe, lupwen Jesus a tolong lon ewe imw, ekewe ruoman chon chun ra tolong ren. Jesus a aisiniir, “Oua lükü pwe ngang üa tongeni aneneloi mesemi?” Ir ra pölüeni, “Ewer, äm samol.”

Markus 5:23

o a fokun tüngormau ngeni, “Nei nengin a arap ngeni mäla. Kose mochen kopwe feito o iseis poumw won, pwe epwe pöchökülela o chikarsefäl.”

Lukas 17:16

A chapela won pwül arun pechen Jesus o kilisou ngeni. Ätei eman re Samaria.

Lukas 5:13

Iwe, Jesus a aitiela pöün, a atapa inisin ewe mwän o apasa, “Ngang üa mochen, kopwe limöch.” Lon ewe chök otun ewe rupun pwötür a mola me won inisin ewe mwän.

Tuteronomi 24:8

Iwe, lupwen a toruk samaun rupun pwötür, kopwe afäluk pwe kopwe tümwünüöchü le apwönüetä meinisin mine ekewe souasor ir chon ewe ainangen Lefi ra aiti ngonuk. Kopwe tümwünüöchü le apwönüetä mine üa allük ngeniir.

Ipru 7:25

Iei mine a tongeni amanaua chokewe meinisin mi arap ngeni Kot ren i fansoun meinisin, pun a manau tori feilfeilachök pwe epwe tüngor ngeni Kot fänäsengesiir.

Josua 5:14

Nge ewe mwän a pälüeni, “Apwi, üa feito, pun ngang ewe chon nemenemen än ewe Samol mi Lapalap mwichen sounfiu.” Iwe, Josua a chapetiu lepwül, a fel ngeni o aisini, “Ai samol, met ka mochen akünöü ngeniei ngang noum chon angang?”