Lukas 4:7 - Chuukese Bible

⁷ Iei mine are kopwe fel ngeniei, üpwe mwüt ngonuk pwe kopwe eäniir meinisin.”

Lukas 4:7 Iomraidhean Croise

Kölfel 72:11

Ekewe king meinisin repwe chapetiu me mwan, nge chon ekewe mwü meinisin repwe angang ngeni.

Aisea 45:14

Iei alon ewe Samol mi Lapalap ngeni Israel, “Wöün Isip me pisekin Itiopia repwe om, nge ekewe chon Sepa mi mwänöch repwe feito reöm pwe kopwe nöüniir amanau. Iwe, repwe tapwela murum fän fööföör selimächä o chapetiu mwom. Repwe tütüngor ngonuk o apasa, ‘Ellet Kot a etuk, esap fokun wor eman Kot lükün.’”

Aisea 46:6

Chokewe mi atowu kolt seni ar lenien iseis o kiloni silifer won eu kilo, ra möni eman chon angang ngeni kolt, pwe epwe föri uluulun eman kot ren. Mürin ra chapetiu mwan o fel ngeni.

Mateus 2:11

Iwe, ra tolong lon ewe imw o ra küna ewe mönükol me Maria inan we, iwe, ra chapetiu mwan o asamolu. Mürin ra wätiu ar kewe lifang: kolt, apach mi pwokus me säfei mi aüchea o fang ngeni.

Lukas 17:16

A chapela won pwül arun pechen Jesus o kilisou ngeni. Ätei eman re Samaria.

Lukas 4:6

Iwe, a üreni, “Ngang üpwe ngonuk ar kewe nemenem meinisin pwal wöür kewe, pun ra nom fän nemeniei, nge ngang üa tongeni ngeni iö üa mochen ngeni.

Lukas 4:8

Jesus a pölüeni, “A mak lon ekewe Toropwe mi Pin, ‘Kopwe fel ngeni ewe Samol om Kot o angang ngeni i chök.’”

Lukas 8:28

Iwe, lupwen a küna Jesus, a puchörütä, a aturala le pwül arun pechen Jesus o a leüömong le apasa, “Jesus Nöün Kot, ewe mi Unusen Tekia, met ka mochen föri ngeniei? Üa tüngor ngonuk, pwe kosap ariaföüüei.”

Pwärätä 22:8

Ngang Johannes üa rongorong o küna ekei mettoch meinisin. Iwe, wesin ai rongorong o küna ekei mettoch, üa chapetiu arun pechen ewe chon läng mi aküna ngeniei ekei mettoch, pwe üpwe fel ngeni.

Pwärätä 4:10

ekewe rüwe me föman souakom ra chapetiu me mwen ewe eman mi mot won ewe lenien motun king o fel ngeni ewe mi manau tori feilfeilachök. Ra isetiu mwäriir kewe me mwen ewe lenien motun king o apasa,

Pwärätä 5:8

Lupwen a föri iei usun, ekewe föman mönümanau me ekewe rüwe me föman souakom ra chapetiu mwen ewe Lam. Eman me eman a wor an pisekin ettik me eu sepi mi ur ren apach mi pwokus, iei än ekewe chon pin iotek.