Lukas 4:6 - Chuukese Bible

⁶ Iwe, a üreni, “Ngang üpwe ngonuk ar kewe nemenem meinisin pwal wöür kewe, pun ra nom fän nemeniei, nge ngang üa tongeni ngeni iö üa mochen ngeni.

Lukas 4:6 Iomraidhean Croise

Ester 5:11

Iwe, Haman a einga ngeniir lingen wöün me chomongun nöün mwän, pwal meinisin mine ewe king a seikätä won, pwe a lap seni ekewe samol me nöün ewe king kewe nöüwis.

Aisea 23:9

Iwe, ewe Samol mi Unusen Manaman a ekiekietä ewe feiengau, pwe epwe awesi ar lamalamtekia ren mine ra föri, epwe pwal atekisona chokewe mi iteüöch won fanüfan.

Aisea 5:14

Iei mine ewe lenien sotup a fokun sukula pwe epwe oromala meinisin. Iwe, ekewe aramas tekia me lon Jerusalem me ewe mwicheichen aramas mi pwapwa o mwänek repwe turulong lon.

Lukas 4:7

Iei mine are kopwe fel ngeniei, üpwe mwüt ngonuk pwe kopwe eäniir meinisin.”

Johannes 12:31

Iei ewe fansoun pwe fanüfan epwe küna kapwüng, iei ewe fansoun ewe samolun ei fanüfan epwe koturula.

Johannes 14:30

Üsap chüen kapas chomong ngenikemi, pun ewe samolun ei fanüfan epwele war. Esap wor an nemenem woi.

Johannes 8:44

Ämi nöün sememi, ewe Tefil, ämi oua chök mochen apwönüetä mochenin sememi. I eman chon niela aramas seni lepoputän, esap fokun nom won pekin let, pun esap wor let ren. Lupwen a kapas chofona, a chök fos lon örünian, pun i eman chon chofona me semen chon chofona.

2. Korint 11:14

Sisap mairü ren ei sokun föför, pun Satan a püsin siwili lapalapan usun itä nge i eman chon längin saram!

Efisos 2:2

Lon ena fansoun oua manaueni ewe manauen fanüfan mi ngau. Oua aleasochis ngeni ewe mi nemeni ekewe ngününgau mi nom fän läng, ewe ngün mi nemeni ekewe aramas mi aleasolap ngeni Kot iei.

1. Petrus 1:24

Pun iei usun mine a mak lon ekewe Toropwe mi Pin, “Aramas meinisin ra wewe ngeni fetil, nge linger meinisin ra wewe ngeni pön irä. Ewe fetil a pwasala, nge ekewe pön irä ra mworotiu.

1. Johannes 5:19

Sia silei pwe kich sia nöün Kot, inamwo ika unusen fanüfan a nom fän nemenien Ewe mi Ngau.

Pwärätä 12:9

Ewe trakon mi watte a koturuwu lükün, ewe serepenitin lom mi iteni Tefil are Satan, a atupu unusen chon fanüfan. A koturutiu won fanüfan, i me nöün kewe chon läng.

Pwärätä 13:2

Ewe manmwacho a usun chök eman lepart, pechen ra usun pechen eman pear, nge awan a usun chök awen eman laion. Ewe trakon a ngeni ewe manmwacho an manaman, an lenien motun king me an we watten nemenem.

Pwärätä 13:7

A mwümwü ngeni an epwe fiu ngeni ekewe chon pin o akufuur, a pwal angei an nemenem won ekewe ainang me mwü me kapas me mwich meinisin.