Lukas 4:42 - Chuukese Bible

⁴² Iwe, lupwen a ränila, Jesus a feila lükün ewe telinimw lon eu leni ia esap wor aramas ie. Ekewe aramas ra küttafeili, nge lupwen ra küna, ra sotuni ar repwe amwöchü, pwe esap feila seniir.

Lukas 4:42 Iomraidhean Croise

Markus 1:45

Nge ewe mwän a feila o apworausafeili ei pworaus ekis meinisin. Iei mine Jesus esap chüen tongeni feila lon ekewe telinimw le pwäpwäla. Nge a feila lon ekewe leni ia esap wor aramas ie. Iwe, ekewe aramas seni ekis meinisin ra feito ren.

Lukas 24:29

Nge ir ra fokun pesei o tüngor ngeni, “Kose mochen kopwe nonom rem, pun a lekuniolula, nge epwe le pwinituk.” Iei mine a tolong lon imwer pwe epwe nonom rer.

Lukas 6:12

Lon ena fansoun Jesus a feitä won eu chuk pwe epwe iotek. Iwe, a nonom ikenan o iotek ngeni Kot lon unusen ewe pwin.

Johannes 4:34

Jesus a üreniir, “Anei mongö ai üpwe aleasochisi letipen ewe mi tiniei o awesala ewe angang a awisa ngeniei pwe üpwe föri.

Johannes 4:40

Iei mine lupwen ekewe chon Samaria ra feito ren Jesus, ra fokun tüngor ngeni, pwe epwe nonom rer. Iwe, Jesus a nonom ikenan lon ükükün ruu rän.

Johannes 6:24

Iwe, lupwen ewe mwichen aramas ra küna pwe Jesus me nöün kewe chon kaiö resap nom ikenan, ra tötä won ekewe wa o saila Kapernaum, pwe repwe kütta Jesus.