Lukas 4:41 - Chuukese Bible

⁴¹ Pwal anün rochopwak ra towu seni chomong aramas, ra puchörütä, “En Nöün Kot!” Nge Jesus a apwüngüür o esap mwüt ngeniir pwe repwe kapas, pun ra silei pwe i ewe Kraist.

Lukas 4:41 Iomraidhean Croise

Mateus 26:63

Nge Jesus a chök fanafanala. Iwe, ewe Souasor mi Lap a pwal apasa ngeni Jesus, “Kopwe pwon fän akapel iten ewe Kot mi manau o ürenikem ika en ewe Kraist, Nöün Kot.”

Mateus 4:3

Iwe, ewe Tefil a feito ren o üreni, “Are en Nöün Kot, kopwe üreni ekei fau pwe repwe wiliti mongö.”

Mateus 8:16

Iwe, lekuniolun ewe rän, lupwen akkar a tuputiu, aramas ra uwato ren Jesus chomong aramas mi waan anü. Jesus a atowu ekewe ngününgau ren an kapas o apöchöküla chokewe meinisin mi samau.

Mateus 8:29

Lon ewe chök otun ra puchörütä, “En Nöün Kot, met ka mochen föri ngenikem? Ifa usun, ka feito pwe kopwe ariaföüükem mwen ewe fansoun apwüng?”

Mateus 8:4

Mürin Jesus a üreni ewe mwän, “Kopwe pii, pwe kosap üreni eman usun mine a fis. Nge kopwe feila ren ewe souasor pwe epwe nenengenuk. Iwe, kopwe eäni ewe asor Moses a allük fän iten limelim, pwe epwe alletätä ngeni aramas pwe ka limöch.”

Markus 1:25

Iwe, Jesus a allük ngeni ewe ngününgau, “Kopwe fanafanala o towu seni ei mwän.”

Markus 1:32

Lupwen akkar a tuputiu, aramas ra uwato ren Jesus ekewe chon samau meinisin, pwal chokewe mi wor anün rochopwak wor.

Markus 1:34

Iwe, Jesus a apöchöküla chomong chon samau seni sokopaten ar samau, a pwal asüela chomong anün rochopwak, nge esap mwüt ngeni ekewe anün rochopwak pwe repwe apasa och, pun ra silei iö i.

Markus 3:11

Iteiten fansoun lupwen ekewe aramas mi wor ngününgau wor ra küna Jesus, ra chapetiu mwan o kökkö fän leüömong, “En Nöün Kot!”

Lukas 4:39

Iwe, Jesus a feila ren, a ütä arun än neminewe we peet o üreni ewe pwichikar pwe epwe towu seni. Iwe, ewe pwichikar a towu seni. Lon ewe chök otun neminewe a pwätä o a tümwünüür.

Johannes 20:31

Nge ekei manaman ra makketiu, pwe ämi oupwe lükü pwe Jesus ewe Kraist, ewe Nöün Kot, nge ren ämi lükü i oupwe eäni manau.

James 2:19

Ifa usun, ka lükü pwe mi wor eman chök Kot? A öch om lükü. Ekewe anün rochopwak ra pwal lükü, nge ra chechech ren niuokus.