Lukas 4:39 - Chuukese Bible

³⁹ Iwe, Jesus a feila ren, a ütä arun än neminewe we peet o üreni ewe pwichikar pwe epwe towu seni. Iwe, ewe pwichikar a towu seni. Lon ewe chök otun neminewe a pwätä o a tümwünüür.

Lukas 4:39 Iomraidhean Croise

Kölfel 116:12

Met üpwe liwini ngeni ewe Samol mi Lapalap ren ekewe feiöch meinisin a ngeniei?

Markus 1:29

Mürin, Jesus me James me Johannes pwal ekoch nöün kewe chon kaiö ra feila seni ewe imwen felikis o feila lon imwen Simon me Andru.

Lukas 4:35

Iwe, Jesus a allük ngeni ewe ngününgau, “Kopwe fanafanala o towu seni ei mwän.” Iwe, ewe ngününgau a aturätiu ewe mwän me mwen ekewe aramas, a towu seni, nge esap afeiengaua.

Lukas 4:41

Pwal anün rochopwak ra towu seni chomong aramas, ra puchörütä, “En Nöün Kot!” Nge Jesus a apwüngüür o esap mwüt ngeniir pwe repwe kapas, pun ra silei pwe i ewe Kraist.

Lukas 8:24

Iwe, ra feila ren Jesus, ra föngünätä o üreni, “Sounemenem, sounemenem, arapakan chök sipwele mäla.” Iwe, Jesus a pwätä o a allük ngeni asepwäl me no, iwe, ewe asepwäl a sötiu, a pwal lüala won matau.