Lukas 4:35 - Chuukese Bible

³⁵ Iwe, Jesus a allük ngeni ewe ngününgau, “Kopwe fanafanala o towu seni ei mwän.” Iwe, ewe ngününgau a aturätiu ewe mwän me mwen ekewe aramas, a towu seni, nge esap afeiengaua.

Lukas 4:35 Iomraidhean Croise

Kölfel 50:16

Nge Kot a apasa ngeni ewe aramasangau, “Pwota ka tongeni leaweni ai kewe allük ika kapasen ai we pwon?

Sekaraia 3:2

Iwe, nöün ewe Samol mi Lapalap we chon läng a üreni Satan, “Ewe Samol mi Lapalap epwe apwünguk, Satan. Ewe Samol mi Lapalap mi filätä Jerusalem epwe apwünguk. Ifa usun, ätei esap wewe ngeni efoch wes eman a atowu seni ekkei?”

Mateus 17:18

Jesus a apwüngü ewe anün rochopwak, iwe, a towu seni ewe ät. Lon ewe chök otun ewe ät a pöchökületä.

Mateus 8:26

Jesus a üreniir, “Pwota oua niuokus? Pwota iei me lükükisikisimi.” Mürin a ütä o fos ngeni asepwäl me no pwe repwe ükütiu. Iwe, ewe asepwäl a söötiu o a fokun lüala won matau.

Markus 1:26

Iwe, ewe ngününgau a aturufeili ewe mwän o a towu seni.

Markus 4:39

Iwe, Jesus a ütä o kapas ngeni ewe asepwäl, “Kopwe manasösötiu!” A pwal üreni ekewe no, “Oupwe lüala.” Iwe, ewe asepwäl a söötiu, a pwal fokun lüala won matau.

Markus 9:26

Iwe, ewe ngününgau a puchörütä, a achechecha ewe ät o a towu seni. Iwe, ewe ät a konola won pwül usun chök eman mi mäla. Iei mine chomong me lein ekewe aramas ra apasa, “A mäla.”

Lukas 11:22

Nge are eman mi pöchökül seni epwe fiu ngeni o akufu, epwe angei seni an kewe pisekin fiu meinisin a anomu an apilükülük won, epwe pwal ineti mine a soläni.

Lukas 4:23

Nge a üreniir, “Ewer, üa silei pwe oupwe apasa ngeniei ei mwiitun, ‘Sousafei, kopwe püsin apöchökülok!’ Kopwe föri ikei lon püsin telinimwomw met aia rongorong pwe ka föri me lon Kapernaum.”

Lukas 4:39

Iwe, Jesus a feila ren, a ütä arun än neminewe we peet o üreni ewe pwichikar pwe epwe towu seni. Iwe, ewe pwichikar a towu seni. Lon ewe chök otun neminewe a pwätä o a tümwünüür.

Lukas 4:41

Pwal anün rochopwak ra towu seni chomong aramas, ra puchörütä, “En Nöün Kot!” Nge Jesus a apwüngüür o esap mwüt ngeniir pwe repwe kapas, pun ra silei pwe i ewe Kraist.

Lukas 8:24

Iwe, ra feila ren Jesus, ra föngünätä o üreni, “Sounemenem, sounemenem, arapakan chök sipwele mäla.” Iwe, Jesus a pwätä o a allük ngeni asepwäl me no, iwe, ewe asepwäl a sötiu, a pwal lüala won matau.

Lukas 9:39

Eman ngün a tötä won, pwe a müttir puchörütä, a achecha tori a puropurowu me lon awan. A chök akafeiengaua, nge esap mochen likitala.

Lukas 9:42

Lupwen ewe ät a feito, ewe ngününgau a aturätiu lepwül o achecha. Nge Jesus a allük ngeni ewe ngününgau pwe epwe towu seni. Iwe, ewe ät a pöchökületä. Mürin Jesus a aliwini ewe ät ngeni saman.

Pwärätä 12:12

Iei mine, en läng kopwe fokun pwapwa, pwal meinisin mi nonom lon läng. Nge feiengau ngeni fanüfan me matau, pun Satan a feitiu remi o a fokun lingeringer pokiten an silei pwe a mochomoch chök an fansoun.”