Lukas 4:32 - Chuukese Bible

³² Iwe, ekewe aramas ra mairü ren an afalafal, pun a afalafal usun eman mi wor an manaman.

Lukas 4:32 Iomraidhean Croise

Markus 1:22

Iwe, ekewe aramas mi rongorong ra mairü ren an afalafal, pun a afalafal usun eman mi wor an pwüüng, nge esap usun nöür kewe Sensen Allük.

Lukas 2:47

Iwe, ir meinisin mi rongorong ngeni ewe ät ra mwar ren an weweöch me an silelap le pölüeni ekewe kapas ais.

Lukas 4:33

Iwe, me lon ewe imwen felikis a wor eman mwän a wor eman ngününgau won. A leüömong le puchör,

Lukas 4:36

Iwe, ekewe aramas meinisin ra mairü o kapasfengen lefiler, “Met sokun kapas kei a eäni? Ren manaman me pöchökül ei mwän a allük ngeni ekewe ngününgau, iwe, ra towu.”

Johannes 6:63

Ngünün Kot a afisätä manau, nge pöchökülen aramas esap fokun wor aüchean. Ekewe kapas üa fen ürenikemi ra eäni Ngün me manau.

Johannes 7:46

Ra pölüeni, “Esap wor eman aramas a afalafal usun än ei mwän afalafal.”

2. Korint 4:2

Nge aia pöütala ekewe föför meinisin mi monomon me ekewe föför mi asäw. Aisap föri föförün atuputup, aisap pwal amwäli än Kot kapas. Nge aia pwärätä mine a let mwen mesen Kot o sotuni äm aipwe aitöchükem ngeni ekiekin aramas meinisin.

1. Tesalonika 1:5

Pun aia uwato ewe Pworausen Manau ngenikemi, sap lon kapas chök, nge ren manaman me Ngünmifel, pwal ren äm wesewesen lükü pwe a let ewe kapas. Ämi oua silei ifa usun nonomum lupwen aia nonom remi lon fansoun äm alisikemi.

Titus 2:15

Ikkei ekewe mettoch kopwe aiti ngeni ekewe souläng. Kopwe aea om pwüüng lon wisom, lupwen kopwe apöchöküla än ekewe souläng lükülük, pwal lupwen om kopwe apwüngüür. Kosap mwüt ngeni eman epwe turunufaseek.