Lukas 4:22 - Chuukese Bible

²² Aramas meinisin ra kapas öch usun o mwar ren an kapas mi manaman a apasatä. Ra ais, “Ifa usun, sap i nöün Josef?”

Lukas 4:22 Iomraidhean Croise

Kölfel 45:2

En ka äteöch seni mwän meinisin, kapasen awom ra pwetete, iei mine Kot a afeiöchuk fansoun meinisin.

Kölfel 45:4

Fän om manaman kopwe fetal ngeni win pwe kopwe peni let, tipefesir me pwüng. Ren om pöchökül kopwe föri föför mi amwarar.

Än Salomon Fos 10:32

Eman chon pwüng a silei mine epwe eäni fos mürina, nge eman aramasangau a chök silei kapas mi aweiresi letipen aramas.

Än Salomon Fos 16:21

Eman mi tipachem lon letipan a iteni eman mi mirit, nge afalafal mürina a awatteela än eman silelap.

Än Salomon Fos 25:11

Eu kapas eman a apasa lon fansoun fich a usun chök ekewe föün ringo mi oleol usun kolt mi nom lon eu sepi seni silifer.

Än Salomon Afalafal 10:12

Iwe, eman mi mirit a iteüöch ren an kapas, nge eman mi umwes a feiengau ren an kapas.

Än Salomon Köl 5:16

An kapas a fokun pwetete. Ellet, a fokun äteöch. Iei usun lapalapen ätewe mi wor tongan me rei, ämi föpwülün Jerusalem.

Aisea 50:4

Iwe, Kot ewe Samol mi Lapalap a atufichiei le kapas pwe üpwe silei met sokun kapas üpwe achipa ngeni chon riaföü. Iteiten lesosor a föngüniei, a suki selingei pwe üpwe tufichin aüseling usun eman chon kaiö a aüseling.

Lukas 2:47

Iwe, ir meinisin mi rongorong ngeni ewe ät ra mwar ren an weweöch me an silelap le pölüeni ekewe kapas ais.

Lukas 2:48

Lupwen saman me inan ra küna, ra weitifengeniir. Iwe, inan we a üreni, “Nei, pwota ka föri iei usun ngenikem? Nengeni, semom me ngang aia lolilen me weires le küttok.”

Lukas 21:15

pun üpwe fang ngenikemi ekewe kapas me tipachem, pwe esap wor eman chon oputakemi epwe tongeni ü ngenikemi ika öpölüakemi.

Lukas 4:21

Iwe, a popuetä le kapas ngeniir, “Ikenai ekei kapas oua rongorong me lon ei Toropwe mi Pin ra fen pwönüetä.”

Johannes 1:45

Filip a küna Nataniel o üreni, “Äm aia küna ätewe Moses a mak usun lon ewe puken Allük, pwal ekewe soufos ra mak usun. I Jesus nöün Josef seni Nasaret.”

Johannes 6:42

Iwe, ra apasa, “Ifa usun, sap ätei Jesus nöün Josef we mwän? Sia silei saman me inan. Pwota a tongeni apasa pwe i a feitiu seni läng?”

Johannes 7:46

Ra pölüeni, “Esap wor eman aramas a afalafal usun än ei mwän afalafal.”

Föför 6:10

Nge Ngünmifel a ngeni Stefanus tipachem, pwe lupwen a kapas, ir resap tongeni pölüeni.

Titus 2:8

Kopwe aea kapas mi pwüng, pwe esap wor eman epwe tongeni esitok. Mürin, ekewe chon oputom repwe säw, pun esap wor och kapas mi ngau repwe tongeni apasatä usuch.