Lukas 4:21 - Chuukese Bible

²¹ Iwe, a popuetä le kapas ngeniir, “Ikenai ekei kapas oua rongorong me lon ei Toropwe mi Pin ra fen pwönüetä.”

Lukas 4:21 Iomraidhean Croise

Mateus 13:14

Iei usun osunien ewe soufos Aisea a fis lon manauer: ‘Ekei aramas repwe rongorong me rongorong, nge resap wewe ren, repwe nenengeni me nenengeni, nge resap küna och.

Lukas 4:20

Mürin Jesus a öppüngala ewe puk, a aliwini ngeni ewe chon angang o mottiu. Iwe, ekewe aramas meinisin mi nom lon ewe imwen felikis ra afota meser won.

Lukas 4:22

Aramas meinisin ra kapas öch usun o mwar ren an kapas mi manaman a apasatä. Ra ais, “Ifa usun, sap i nöün Josef?”

Johannes 5:39

Ämi oua achocho le kaiö masouen ekewe Toropwe mi Pin, pun oua ekieki pwe oupwe küna manau esemüch lor. Ekei Toropwe mi Pin ra pwärätä usi.

Föför 3:18

Nge iei usun Kot a apwönüetä met a fen apasa me lomlom ren ekewe soufos meinisin, lupwen a apasa pwe nöün we Kraist epwe küna riaföü.