Lukas 4:2 - Chuukese Bible

² Ikenan Satan a sotuni lon ükükün faik rän. Lon ekana rän esap mongö och. Nge wesilan ekei rän a echik.

Lukas 4:2 Iomraidhean Croise

Keneses 3:15

Üpwe afiukemi me ewe fefin, pwal mwirimwirum me mwirimwirin. Men epwe puri mökürom, nge en kopwe küw apilipilin pechen.”

1. King 19:8

Iei mine Elias a pwätä, a mongö o ün, mürin a fetal fän pöchökül ren ngünüwen ewe mongö lon ükükün faik rän me faik pwin tori Horep ewe chukun Kot.

Ester 4:16

“Kopwe feila o achufengeni ekewe chon Juta mi nom lon Susa o echikefel fän itei. Ousap mongö ika ün lerän me lepwin lon ükükün ülüngat rän. Nge ngang me nei chon angang fefin aipwe pwal echikefel usun ämi. Mürin üpwe feila ren ewe king, inamwo ika üpwe purätiu ewe allük. Iwe, ika üpwe mäla, üpwe chök mäla.”

Ekistos 24:18

Mürin, Moses a tolong lon ewe kuchu o feitä won ewe chuk. Nge Moses a nonom won ewe chuk lon ükükün faik rän me faik pwin.

Ekistos 34:28

Iwe, Moses a nom ren ewe Samol mi Lapalap lon ükükün faik rän me faik pwin. Esap mongö, esap pwal ünümi koluk. Iwe, Kot a ruputi won ekewe fau mi chöpöp kapasen ewe pwon, ekewe engol allük.

Sona 3:7

Iwe, ewe king a aronga eu kapasen asilesil ngeni chon Ninifa, “Iei än ewe king me nöün kewe nöüwis allük: Esap wor eman aramas are man epwe tongeni mongö are ünümi och.

Mateus 21:18

Iwe, lesosorusichin sorotän ewe rän, lupwen Jesus a liwinsefäliti ewe telinimw Jerusalem, a mefi an echik.

Mateus 4:2

Nge pokiten Jesus esap mongö och lon ükükün faik rän me faik pwin, a mefi echik.

Lukas 4:3

Iwe, Tefil a üreni, “Are en Nöün Kot, kopwe üreni ei fau pwe epwe wiliti pilawa.”

Johannes 4:6

Ikenan a wor eu chönüttu än Jakop, nge Jesus a mottiu ünükün ei chönüttu, pun a pekus ren an fetal. Ei otun ina epwe leoloas.

Tuteronomi 9:18

Mürin üa chapetiu fän mesen ewe Samol mi Lapalap faik rän me faik pwin usun me mwan. Üsap mongö, üsap pwal ün pokiten ämi tipis meinisin oua föri, pun oua föri mine a ngau fän mesen ewe Samol mi Lapalap, oua pwal asonga.

Tuteronomi 9:25

Iei mine üa chapetiu fän mesen ewe Samol mi Lapalap lon ekewe faik rän me faik pwin, pun üa silei pwe a fokun ekiekin arosakemiila.

Tuteronomi 9:9

Lupwen üa feitä won ewe chuk pwe üpwe angei ekewe rüepek fau mi chöpöp, ia a mak ie kapasen ewe pwon ewe Samol mi Lapalap a eäni ngenikemi, üa nonom won ewe chuk lon ükükün faik rän me faik pwin. Üsap mongö, üsap pwal ün.

Ipru 2:18

Iwe, iei a tongeni alisi chokewe mi tolong lon sosot, pun püsin i a fen piin tolong lon sosot me riaföü.

Ipru 4:15

Pun ach we Souasor mi Lap esap eman mi tongomang ngeni ach apwangapwang. Nge a nom rech eman Souasor mi Lap mi tolong lon sokopaten sosot usun chök kich, nge esap tipis.

1. Samuel 17:16

Iwe, lon ükükün faik rän ewe re Filistia a pwäto, a ütä iteiten lesosor me lekuniol o witi iö epwe fiu ngeni.