Lukas 4:18 - Chuukese Bible

¹⁸ “Ngünün ewe Samol a nonom woi, pun a afiliei pwe üpwe afalafala ewe Pworausen Manau ngeni ekewe chon mwelele. A tiniei, pwe üpwe aronga ngeni ekewe chon fötek pwe repwe ngasala, ekewe chon chun pwe repwe küna mwer, üpwe pwal angasala chokewe aramas ra ariaföüür.

Lukas 4:18 Iomraidhean Croise

Keneses 3:15

Üpwe afiukemi me ewe fefin, pwal mwirimwirum me mwirimwirin. Men epwe puri mökürom, nge en kopwe küw apilipilin pechen.”

2. Kronika 34:27

ka pwal apwetetei lelukom o atekisonok me fän mesei, lupwen ka rongorong ai kei kapasen afeiengau ngeni ei leni me aramasan, ka atekisonok me fän mesei, ka kamwei üfom o kechü me mwei, iei popun ngang üa aüselinga om iotek.

Kölfel 102:20

pwe epwe rongorong ngüngün ekewe chon fötek o apichi ririn chokewe mi fen pwüngüla pwe repwe ninnila.

Kölfel 147:3

A apöchöküla ir mi tatakis leluker o filiti kinaser.

Kölfel 2:2

Ekewe king won fanüfan ra ütä, ekewe sounemenem ra pwüngüpwüngfengen usun ar repwe ü ngeni ewe Samol mi Lapalap, pwal ngeni nöün we mi kepit.

Kölfel 2:6

Iwe, a apasa, “Üa seikätä ai king lon wisan me won Sion chuki we mi pin.”

Kölfel 34:18

Ewe Samol mi Lapalap a kan ngeni chokewe mi luketatakis, a amanaua chokewe mi apilükingau.

Kölfel 45:7

Ka efich pwüng, nge ka oput mi ngau. Iei mine Kot, om we Kot a filuketä, a fang ngonuk pwapwa lap seni an fang ngeni chienom kewe.

Kölfel 51:17

Ai Kot, üa asor ngonuk eu letip mi tipetekison, eu leluk mi tipetekison o liamam, en kosap oput.

Aisea 32:3

Mürin, chokewe mi küna resap chüen amöürala meser, nge selingen chokewe mi rongorong repwe aüseling.

Aisea 35:5

Mürin, mesen chon mesechun repwe nela, nge selingen chon selingepüng repwe sukula,

Aisea 42:7

Iwe, kopwe anelai mesen chon chun, kopwe angasa chon fötek seni lon imwen fötek, kopwe pwal apichala chokewe mi nom lon rochopwak.

Aisea 45:13

Ngang üa köri Sirus fän pwüng, üpwe pwal awenechara an al kana meinisin. Iwe, epwe aüetä ai telinimw Jerusalem o angasa nei chon oola, nge üsap ngeni och liwinin ika lifangen amichimich.” Iei alon ewe Samol mi Unusen Manaman.

Aisea 49:9

Üpwe pwal üreni ekewe chon fötek, ‘Oupwe ngasala,’ nge ekewe mi nom lon rochopwak üpwe üreniir, ‘Oupwe tolong lon saram.’ Iwe, repwe mongö ünükün ekewe al usun sip, repwe pwal küna ener mongö me won ekewe chuk mi amassawa.

Aisea 50:4

Iwe, Kot ewe Samol mi Lapalap a atufichiei le kapas pwe üpwe silei met sokun kapas üpwe achipa ngeni chon riaföü. Iteiten lesosor a föngüniei, a suki selingei pwe üpwe tufichin aüseling usun eman chon kaiö a aüseling.

Aisea 57:15

Pun iei alon Ewe mi Unusen Tekia, ewe mi manau tori feilfeilachök, itan Ewe mi Pin, “Ngang üa imweimw lon eu leni mi pin o tekia, pwal ren eman mi luketatakis o tipetekison, pwe üpwe amanaua ngüngün chon tipetekison o apöchöküla leluken chon liamam.

Aisea 59:21

Iwe, iei alon ewe Samol mi Lapalap, “Iei ai pwon ngenikemi: Ngüni a nonom womi, üa pwal ngenikemi ai kapas pwe epwe nonom remi, epwe pwal nom ren nöümi me mwirimwirir kana seni ikenai tori feilfeilachök.”

Aisea 61:1

Iwe, Ngünün Kot ewe Samol mi Lapalap a nonom woi, pun a awisaei pwe üpwe aronga ngeni chon mwelele pworausen manau. A tinieito pwe üpwe achipa chon luketatakis, üpwe asile ngeni chon oola ar repwe ngasala, pwal ngeni chon fötek pwe epwe suk lenien ar fötek.

Aisea 66:2

Pun pei a föri ekei mettoch meinisin, iei mine ir meinisin nemeniei.” Pwal iei alon ewe Samol mi Lapalap, “Ngang üpwe chök aücheani eman aramas mi tipetekison o luketatakis, pwal eman mi niuokusiti ai kapas o aleasochis ngeni.

Isikiel 9:4

“Kopwe fetalfeil lon unusen ewe telinimw Jerusalem o asisila won chamwen chokewe mi letipeta o kechü ren ekewe föför mi anioput ra fis lon.

Taniel 9:24

Iwe, a pwüngüla pwe ükükün fisu fän fik ier a kaüküla fän iten aramasom me om we telinimw mi pin. Mürin, pupungau epwe ükütiu, tipis epwe müchüla, epwe fis amusamusen tipis, nge pwüng esemüch epwe pwönüetä pwe alon soufos me künaer epwe fisitä, epwe pwal fis apinipinin ewe Leni mi Unusen Pin.

Sefanaia 3:12

Nge üpwe likiti me leimi eu mwichen aramas mi tipetekison o tipefesir, repwe anomu ar apilükülük woi.

Sekaraia 11:11

Iei usun ewe pwon a tala lon ewe rän. Nge ekewe chon kamö me amömö sip mi nenengeniei ra silei pwe iei alon ewe Samol mi Lapalap.

Malakai 4:2

Nge usun akkar a asarama fanü, iei usun pwüng epwe uwato manau ngenikemi mi aleasochisiei. Ämi oupwe towu o mwetemwet usun chök ekewe nienifön kow ra mwetemwet lupwen ra towu seni lenier.

Mateus 11:5

Ekewe mi mesechun ra küna mwer, ekewe mi pechemä ra fetal, ekewe mi üriir rupun pwötür ra chikarsefäl, ekewe mi selingepin ra rongorong, ekewe mi mäla ra manauatä, ekewe mi wöüngau ra rongorong afalafalen ewe Pworaus Allim.

Mateus 12:18

“Iei i nei we chon angang üa filätä, ätewe üa echeni, üa unusen pwapwa ren. Ngang üpwe anomu Ngüni won, nge i epwe asilefeili pwüngün ai apwüng ngeni chon ekewe mwü meinisin.

Mateus 12:20

Esap kupiela efoch äsät mi puopu, esap pwal kunuela efoch wiik mi kümochoch. Epwe achocho tori an epwe pwärala pwe pwüng a win.

Mateus 4:16

Ekewe aramas mi nom lon rochopwak ra küna eu saram mi watte, nge fän iten chokewe mi nom lon kirochen fanüen mäla eu saram a tinetiu wor.”

Mateus 5:3

“Ra feiöch chon silei pwe ra wöüngau lon pekin ngünür, pun ir repwe mwüni Mwün Läng.

Lukas 4:17

nge ra ngeni puken ewe soufos Aisea. Iwe, a sukala ewe puk o a küna ewe ia a mak ie ekei kapas,

Lukas 6:20

Iwe, Jesus a nenengeni nöün kewe chon kaiö o apasa, “Oua feiöch ämi mi wöüngau, pun oupwe mwüni ewe Mwün Kot.

Lukas 7:22

Iwe, Jesus a pölüeni nöün Johannes kewe chon kaiö, “Oupwe liwinsefälila o üreni Johannes mine oua küna o rongorong: Ekewe mi mesechun ra küna mwer, ekewe mi pechemä ra fetal, ekewe mi üriir rupun pwötür ra chikarsefäl, ekewe mi selingepüng ra rongorong, ekewe mi mäla ra manauetä, nge ekewe mi wöüngau ra rongorong afalafalen ewe Pworausen Manau.

Johannes 1:41

Andru a müttir küna pwiin we Simon o üreni, “Äm aia küna ewe Messaia.” (Wewen ei kapas Messaia ‘Kraist’.)

Johannes 12:46

Ngang üa feito fanüfan pwe üpwe eu saram, pwe meinisin mi lüküei resap nom lon rochopwak.

Johannes 3:34

Iwe, ewe eman Kot a tinato a apasatä än Kot kewe kapas, pun Kot a aunusa ngeni Ngünün.

Föför 10:38

Oua silei usun Jesus Kraist seni Nasaret, pwal usun än Kot tinatiu won ewe Ngünmifel o ngeni an manaman. A fetalfeil ekis meinisin, a föri föför mürina o apöchöküla meinisin mi nom fän nemenien ewe Tefil, pun Kot a eti.

Föför 26:18

Kopwe aneloi meser, pwe repwe kul seni rochopwak o kul ngeni saram, repwe towu seni fän nemenien Satan o tolong fän nemenien Kot, nge ren ar lüküei repwe küna amusamusen ar tipis kana o angei lenier ren chokewe mi pin.’

Föför 4:26

Ekewe kingen fanüfan ra amoleeretä, nge ekewe samol ra chufengen pwe repwe ü ngeni ewe Samol me nöün we Kraist.’

Föför 4:27

Pun iei usun mine a fis: Herotes me Pontius Pilatus ra mwichfengen me ekewe chon lükün Israel me ekewe aramasen Israel lon ei telinimw ar repwe ü ngeni Jesus noumw Chon Angang mi pin, ätewe en ka epiti.

Kolose 1:13

A angasakich seni fän nemenien rochopwak o atolongakich lon mwün Nöün we mi achengicheng.

James 2:5

Ämi pwii kana mi achengicheng, oupwe aüseling! Ifa usun, Kot esap filätä ekewe aramas mi wöüngau won ei fanüfan pwe repwe pisekisek lon ar lükülük o feiöchüni feiöchün ewe Mwün Kot, i a pwon ngeni chokewe mi echeni?

1. Petrus 2:9

Nge ämi eu ainang mi fil, eu mwichen souasor än ewe king, eu mwün aramas mi pin, nöün Kot kewe aramas, oua fil pwe oupwe arongafeili än Kot kewe föför mi manaman, i ewe mi körikemiiwu seni rochopwak, pwe oupwe tolong lon an saram mi amwarar.