Lukas 4:16 - Chuukese Bible

¹⁶ Mürin Jesus a feila Nasaret, ewe ia a mämäritä me ie. Iwe, lon ewe ränin sapat Jesus a feila lon ewe imwen felikis usun an örüni. Iwe, a ütä pwe epwe aleani ekewe Toropwe mi Pin,

Lukas 4:16 Iomraidhean Croise

Mateus 2:23

o chonlefanüla lon eu telinimw itan Nasaret. Iei usun a pwönüetä mine ekewe soufos ra fen apasa, “Epwe iteni re Nasaret.”

Lukas 2:39

Iwe, lupwen Josef me Maria ra wes le föri meinisin usun met mi mak lon än ewe Samol Allük, ra liwiniti Nasaret lon Kalilea, iei poputän telinimwer.

Lukas 2:42

Iwe, lupwen Jesus a ierini engol me ruu, a etiir le feila fiti ewe chulap lon pwüngün örünier.

Lukas 2:51

Mürin Jesus a etiir le liwinsefäliti Nasaret, iwe, a aleasochis ngeniir. Nge inan a iseis ekei mettoch meinisin lon lelukan.

Lukas 4:15

A afalafal lon ekewe imwen felikis o aramas meinisin ra mwareiti i.

Lukas 4:17

nge ra ngeni puken ewe soufos Aisea. Iwe, a sukala ewe puk o a küna ewe ia a mak ie ekei kapas,

Lukas 4:21

Iwe, a popuetä le kapas ngeniir, “Ikenai ekei kapas oua rongorong me lon ei Toropwe mi Pin ra fen pwönüetä.”

Lukas 4:23

Nge a üreniir, “Ewer, üa silei pwe oupwe apasa ngeniei ei mwiitun, ‘Sousafei, kopwe püsin apöchökülok!’ Kopwe föri ikei lon püsin telinimwomw met aia rongorong pwe ka föri me lon Kapernaum.”

Johannes 18:20

Jesus a pölüeni, “Fansoun meinisin üa kapas le pwäpwäla ngeni aramas meinisin. Üa afalafal lon ekewe imwen felikis pwal lon ewe imwenfel ia ekewe aramas meinisin ra mwichfengen ie. Üsap apasa och le monomon.

Föför 17:2

Iwe, Paulus a tolong lon ewe imwen felikis usun an örüni. Lon ülüngat ränin sapat a kakapas ngeni ekewe aramas seni lon ekewe Toropwe mi Pin,