Lukas 3:8 - Chuukese Bible

⁸ Oupwe föri sokun föför epwe pwärätä pwe oua aier seni ämi tipis, nge ousap popuetä le apasa lefilemi, ‘Äm mwirimwirin Apraham.’ Pun ngang üpwe ürenikemi, pwe Kot a tongeni angei ekei fau o föri seniir pwe repwe mwirimwirin Apraham.

Lukas 3:8 Iomraidhean Croise

Nehemia 5:11

Ikenai oupwe aliwini ngeniir fanüer, ar tanipin wain me tanipin olif pwal imwer kewe, oupwe pwal amusala ar liwinimangen moni, wiich, wain me apüra.”

Isikiel 33:24

“Nöün aramas, chokewe mi imweimw lon ekewe telinimw mi tala lon ewe fanü Israel ra chök eäni ei kapas, ‘Apraham a chök aleman, nge a fanüeni ei fanü. Nge äm aia chomong, iei mine ei fanü fanüach.’

Mateus 21:43

Iei mine üpwe ürenikemi, pwe Kot epwe angei senikemi Mwün we o ngeni eu mwichen aramas mi awora ua ren ar föri föför mi pwüng.

Mateus 3:8

Oupwe föri sokun föför epwe pwärätä pwe oua aier seni ämi tipis.

Mateus 3:9

Ousap ekieki pwe oua tongeni sü seni än Kot song ren ämi apasa, ‘Äm mwirimwirin Apraham’. Pun ngang üpwe ürenikemi, pwe Kot a tongeni angei ekei fau o föri mwirimwirin Apraham seniir!

Lukas 13:25

Iwe, are samolun ewe imw epwe pwätä o öppüngala ewe asam, mürin oupwe ütä lükün o popuetä le fichifich ngeni ewe asam o apasa, ‘Äm samol, kose mochen suki ngenikem ewe asam.’ Nge i epwe pölüenikemi, ‘Ngang üsap silekemi ia oua feito me ie.’

Lukas 13:26

Mürin oupwe pölüeni, ‘Äm aia etuk le mongö o ün, nge en ka afalafal lon ach telinimw.’

Lukas 14:9

Iwe, mürin ewe mi kökkörikemi me ruoman epwe feito o apasa ngonuk, ‘Kopwe tötiu seni ei lenien mot, pwe ätei epwe mot won.’ Mürin kopwe säw o mottiu won eu leni mi tekison.

Lukas 19:40

Nge Jesus a pölüeniir, “Üpwe ürenikemi, are ätekei repwe fanafanala, ekewe fau repwe popuetä le pupuchör.”

Lukas 19:9

Jesus a üreni Sakios, “Manau a tori ei imw ikenai, pun en pwal eman mwirimwirin Apraham.

Lukas 5:21

Iwe, ekewe Sensen Allük me ekewe Farisi ra popuetä le ekieki lon leluker, “Iö ei mwän a apasa ekei kapasen turunufas? Iö a tongeni amusala tipis, sap Kot echök?”

Johannes 8:33

Iwe, ra pölüeni, “Äm aia mwirimwirin Apraham, esap fokun wor eman a nöünikem amanau. Met wewen om apasa, ‘Ämi oupwe ngasala?’”

Johannes 8:39

Iwe, ra üreni, “Apraham semelapem.” Jesus a pölüeniir, “Are ämi wesewesen nöün Apraham, oupwe pwal föri sokun föför Apraham a föri.

Föför 26:20

Üa afalafal akom lon Tamaskus me Jerusalem, mürin lon unusen fanüen ekewe chon Juta, pwal lein ekewe chon lükün Israel, pwe repwe aier seni ar tipis o kul ngeni Kot, pwe repwe föri sokun föför mi pwärätä pwe ra ekieksefäl.

Nöün Paulus Toropwe ngeni ekewe Souläng lon Rom 4:16

Iei usun ewe pwon a longolong won lükülük, pwe epwe allükülükü än Kot we ümöümöch epwe tori ekewe mwirimwirin Apraham meinisin, esap chök tori chokewe mi aleasochisi ekewe Allük, nge epwe pwal tori chokewe mi lükü usun Apraham. Pun Apraham semelapach meinisin lon pekin ngün,

Nöün Paulus Toropwe ngeni ekewe Souläng lon Rom 9:7

Sap pwal ekewe mwirimwirin Apraham meinisin ir nöün Kot. Kot a üreni Apraham, “Ekewe mwirimwirin Isaak chök, ikkei ir mwirimwirum kewe üa pwon ngonuk.”

Filipi 1:11

Iwe, manauemi epwe urela ren sokun föför mürina Jesus Kraist chök a tongeni afisätä, pwe Kot epwe ling o iteüöch ren.