Lukas 3:17 - Chuukese Bible

¹⁷ A kamwöch an söföl mi keang pwe epwe aea le aimwüfeseni ekewe föün wiich seni pöön me won an lenien wichiwich umwun wiich. Iwe, epwe ionifengeni ekewe föün wiich o uwalong lon an lenien iseis, nge ekewe pöön epwe keniirela lon ekkei esap kunula.”

Lukas 3:17 Iomraidhean Croise

Kölfel 1:4

Nge ekewe aramasangau resap iei usun. Pun ra wewe ngeni pipi asepwäl a ässala.

Aisea 30:24

Iwe, nöümi kewe kow me aas mi tuw ewe pwül repwe mongö fetil me föün irä mi neken aramas ra limetifichi ren söföl me fook mi watte.

Jeremaia 15:7

Üpwe söfölükemiila ren efoch söföl mi keang me lon asamalapen ekewe telinimwen ei fanü. Üpwe niela nöümi kewe o arosakemiila, pun ousap ükütiu seni ämi kewe föför mi ngau.

Mika 4:12

Nge resap silei än ewe Samol mi Lapalap ekiek, resap pwal wewe ren an akot. Resap mefi pwe a achufengeniir pwe epwe apwüngüür usun eman a achufengeni pilükün wiich ngeni ewe lenien wichiwich umwun wiich pwe epwe wichiir.

Mateus 13:30

Oupwe likitiir pwe repwe mämäritäfengen tori fansoun kinikin. Mürin ngang üpwe üreni ekewe chon angangen räs pwe repwe akomwen üttätä ekewe pötöwölingau, repwe pilüküfengeniir o keniirela. Mürin repwe achufengeni ekewe wiich o iseniir lon ai lenien iseis.’”

Mateus 3:12

A kamwöch an söföl usun fook pwe epwe aimwüfeseni ekewe föün wiich seni pöön me won ewe lenien wichiwich umwun wiich. Iwe, epwe ionifengeni ekewe föün wiich o uwalong lon an lenien iseis, nge ekewe pöön epwe keniirela lon ekkei esap kunula.”

Lukas 3:18

Iwe, lon chomong sokopaten kapas Johannes a aea le afalafala ewe Pworaus Allim ngeni ekewe aramas o fönöör, pwe repwe siwili manauer.