Lukas 3:16 - Chuukese Bible

¹⁶ Iei mine Johannes a üreniir, “Ngang üa papataisikemi ren koluk, nge eman mi lap seniei epwe feito, ngang üsap fich ngeni ai üpwe mwo nge apichi ririn ipwan sus, ätewe epwe papataisikemi ren Ngünmifel me ekkei.

Lukas 3:16 Iomraidhean Croise

Än Salomon Fos 1:23

Are oupwe aüselinga ai kewe kapasen fön, ngang üpwe pwärätä ngenikemi ai ekiek, üpwe asile ngenikemi ai kewe kapas.

Aisea 32:15

Iwe, ei epwe fis tori Kot epwe tinato Ngünün woch. Mürin, ewe fanüapö epwe wiliti eu tanipi mi pwülüöch, nge ewe tanipi mi pwülüöch epwe usun chök eu lenien wöllap.

Aisea 4:4

Ewe Samol epwe apwüngü o alimöchü chon ewe mwü ren an manaman, epwe talü än chon Jerusalem tipis me ewe cha mi ninitiu lon.

Isikiel 36:25

Üpwe äsupu ngenikemi koluk mi fat pwe oupwe limöch. Üpwe alimöchükemi seni ämi limengauen tipis meinisin, pwal seni ämi kewe uluulun anümwäl meinisin.

Sekaraia 13:9

Nge ewe eu leulüngatin mi chüen manau üpwe atolongeer lon ewe ekkeiin riaföü, pwe üpwe limetiir usun eman a limeti silifer lon ekkei, üpwe sotuniir usun eman a sotuni kolt won ekkei. Mürin repwe kökköri itei, nge ngang üpwe pälüeniir. Üpwe apasa, ‘Ämi nei aramas,’ nge ir repwe apasa, ‘Ewe Samol mi Lapalap i ach we Kot.’”

Mateus 3:11

Ngang üa papataisikemi ren koluk pwe asisilen ämi aier. Nge ewe eman epwe war me müri epwe papataisikemi ren Ngünmifel me ekkei. I a lap seniei, pwe ngang üsap fich ngeni ai üpwe mwo nge uwou ipwan sus.

Mateus 3:12

A kamwöch an söföl usun fook pwe epwe aimwüfeseni ekewe föün wiich seni pöön me won ewe lenien wichiwich umwun wiich. Iwe, epwe ionifengeni ekewe föün wiich o uwalong lon an lenien iseis, nge ekewe pöön epwe keniirela lon ekkei esap kunula.”

Johannes 1:26

Johannes a pölüeni, “Ngang üa papataisi aramas ren koluk, nge eman a nom leimi, ämi ousap silei.

Johannes 1:27

I ätewe mi feito müri, nge ngang üsap fen mwo nge fich ngeni ai üpwe apichi ririn ipwan sus.”

Johannes 1:33

Püsin ngang üsap silei i, nge Kot ewe mi tiniei pwe üpwe papataisi aramas ren koluk, a üreniei, ‘Kopwe küna ewe Ngünün Kot epwe feito o nonom won eman mwän, i ätewe epwe papataisi aramas ren Ngünmifel.’

Johannes 7:38

Iö a lüküei usun ekewe Toropwe mi Pin ra apasa, chanpupun kolukun manau repwe puwu seni lelukan.”

Föför 1:5

Pun Johannes a papataisi aramas ren koluk, nge mürin ekoch rän ämi oupwe papatais ren Ngünmifel.”

Föför 10:44

Lupwen Petrus a chüen kapas, ewe Ngünmifel a feitiu won chokewe meinisin mi rongorong ngeni an afalafal.

Föför 2:33

Jesus a tekiatä o nom lepelifichin Kot Saman we, a angei seni Kot ewe Ngünmifel, usun a fen pwon ngeni. Iwe, met oua küna iei o rongorong, iei an we lifang a tinatiu woch.

1. Korint 12:13

Iei usun oukich meinisin, ese lifilifil ika chon Juta ika chon lükün Israel, ika amanau ika aramas mi ngas, kich meinisin sia papatais lon eu chök inis ren eman chök Ngün, kich meinisin sia pwal ün seni eman chök Ngün.