Lukas 3:11 - Chuukese Bible

¹¹ Johannes a pölüeniir, “Iö a eäni ruu söch epwe angei echö o ngeni ewe eman esap wor an, nge eman mi wor anan mongö epwe pwal föri iei usun.”

Lukas 3:11 Iomraidhean Croise

Isikiel 18:7

Esap ariaföüü eman, nge a aliwini ngeni ewe chon liwinimang asisilen an pwon, esap pwal solä, nge a fangala anan mongö ngeni chon echik o aüföüfa chon mwelele.

Taniel 4:27

Iei mine ai king, kose mochen kopwe tipeeu ngeni ai kapas. Kopwe aier seni om tipis o eäni föförün pwüng, kopwe pwal ekieksefäl seni om föföringau o eäni tong ngeni chon riaföü. Ren ei, om nonomöch epwe soposopola.”

Mateus 25:40

Iwe, ewe king epwe pölüeni, ‘Enlet, üpwe ürenikemi: Mine oua föri ngeni eman lein ekewe pwii mi fokun kisikis, iei oua föri ngeniei.’

Lukas 11:41

Nge oupwe fang ngeni ekewe mi wöüngau mine a nom lon ämi kewe kap me sepi, mürin mettoch meinisin repwe limöch me remi.

Lukas 18:22

Lupwen Jesus a rong ekei kapas, a üreni, “Mi chüen wor eu mettoch ka mang ngeni. Kopwe amömöla meinisin mine ka eäni, nge ewe moni kopwe fangala ngeni ekewe chon wöüngau, pwe epwe wor woumw lon läng. Mürin kopwe feito o tapweto müri.”

Lukas 19:8

Nge Sakios a ütä o üreni ewe Samol, “Ai Samol, nengeni, ngang üpwe ngeni ekewe chon wöüngau esopun ai kewe pisek. Nge are üa atupu eman won moni, üpwe aliwinisefäli ngeni fän rüanü.”

Johannes 13:29

Pokiten Jutas a wisen tümwünü ewe moni, ekoch me lein ekewe chon kaiö ra ekieki pwe Jesus a üreni pwe epwe feila o kamö met ra osupwang ren fän iten ewe chulap, ika epwe fangala och ngeni ekewe chon wöüngau.

Föför 10:2

A tupwöl lon an niuokusiti Kot, i me chon an famili meinisin. A pwal watte an alilis ngeni ekewe chon Juta mi wöüngau o a ikiotek ngeni Kot.

Föför 10:31

o a apasa, ‘Kornelius! Kot a aüselinga om iotek o chechemeni om alilis ngeni ekewe chon wöüngau.

Föför 10:4

Kornelius a newenewen ngeni lon an niuokus o aisini, “Ai samol, met ka mochen?” Ewe chon läng a pölüeni, “Kot a etiwa om iotek me om alisi ekewe chon wöüngau o a chechemenuk.

Efisos 4:28

Eman mi sosolä me lom epwe ükütiu le solä, nge epwe achocho le angang pwe epwe wor met epwe lomot ngeni püsin i, epwe pwal tongeni alisi ekewe mi wöüngau.

1. Timoty 6:17

Kopwe allük ngeni ekewe mi pisekisek lon mettochun ei fanüfan pwe resap lamalamtekia. Resap pwal anomu ar apilükülük won wöür epwe morola, nge repwe apilükülükü Kot mi fangesom ngenikich mettoch meinisin pwe sipwe feiöch ren.

1. Timoty 6:18

Kopwe allük ngeniir, pwe repwe föri mine a mürina, pwe repwe pisekisek lon ar föför mürina, repwe kichiöch o mochen alisi aramas.

Ipru 6:10

Kot esap eäni föför esepwüng, esap manlükala ewe angang oua föri me ewe chen oua pwäri ngeni i lupwen oua alisi chiechiemi kewe souläng, nge oua pwal sopwela le alisiir.

James 1:27

Än eman souläng limöch me pwüng mwen mesen Samach Kot a fis are epwe iei usun: epwe tümwünü ekewe mi mäsen me ekewe fefin mi mä pwülüer lon ar riaföü, epwe pwal püsin tümwünü i, pwe esap limengau ren ngauen ei fanüfan.

James 2:14

Ämi pwii kana, met lomoten are eman aramas a apasa pwe a wor an lükülük, are an föför esap alletätä? Ifa usun, ei sokun lükülük epwe tongeni amanaua i?

1. Johannes 3:17

Are eman aramas mi pisekisek a küna pwiin lon an osupwang, nge esap tongei o alisi, ifa usun a eäni än Kot we chen lon letipan?

1. Johannes 4:20

Are eman a apasa, “Üa echeni Kot,” nge a oput pwiin, i eman chon chofona. Pun epwe ifa usun an epwe echeni Kot, ewe esap küna, nge ese fen echeni pwiin we mi küna?