Lukas 3:1 - Chuukese Bible

¹ Iwe, lon engol me limuen ierin mwün Sisar Tiperius, lupwen Pontius Pilatus a kepinan Juta, Herotes a samolun Kalilea, pwiin we Filip a samolun Iturea me Trakonitis me Lisanias a samolun Apilene,

Lukas 3:1 Iomraidhean Croise

Keneses 49:10

Esap mwöküt senuk, Juta, ewe asisilen samol, nge mwirimwirum kana repwe nemenem fansoun meinisin tori epwe war ätewe mine an ewe nemenem. Iwe, chon ekewe mwü meinisin repwe aleasochis ngonuk.

Mateus 14:1

Lon ena fansoun Herotes ewe samolun Kalilea a rong usun Jesus.

Mateus 14:3

Pun me mwan Herotes a allük pwe repwe turufi Johannes o atolonga lon imwen fötek. Herotes a föri ei pokiten Herotias pwülüen pwiin we Filip.

Mateus 14:6

Nge lupwen a tori ränin uputiuen Herotes, nöün Herotias föpwül a pworuk me mwen ewe mwich mi eti an we kametip. Iwe, Herotes a fokun pwapwaiti,

Mateus 22:17

Kopwe ürenikem met om ekiek. A pwüng ach sipwe mönätiu ach takises ngeni Sisar ika ese pwüng?”

Mateus 27:2

Ra föti ngeni sein o etekinala pwe repwe atolonga lepöün ewe kepina Pilatus.

Markus 6:17

Pun Herotes a allük, pwe repwe turufi Johannes, repwe föti o atolonga lon imwen fötek. Herotes a föri ei föför pokiten Herotias pwülüen pwiin we Filip, i a pwülüeni seni.

Markus 6:21

Nge feilfeil a tori eu fansoun mi fich pwe än Herotias ekiek epwele pwönüetä. Ei a fis lon ränin uputiuen Herotes, lupwen a föri eu kametip fän iten nöün kewe nöüwis, nöün kewe meilapen sounfiu me ekewe aramas tekia lon Kalilea.

Lukas 13:31

Iwe, lon ewe chök fansoun ekoch ekewe Farisi ra feito ren Jesus o üreni, “Kopwe sü seni ikei o feila ekis, pun Herotes a ekiekin niikela.”

Lukas 2:1

Iwe, lon ewe fansoun ewe Sisar Aukustus a atowu eu allük pwe epwe wor eu makken it lon ekewe fanü meinisin mi nom fän nemenien Rom.

Lukas 23:24

Iei mine Pilatus a apwüngala, pwe epwe fis ngeni Jesus mine ra tüngor.

Lukas 3:19

Nge Johannes a apwüngü ewe samol Herotes pokiten an pwülüeni Herotias pwülüen pwiin we, pwal pokiten an kewe föför mi ngau meinisin a föri.

Lukas 9:7

Iwe, lupwen Herotes ewe samolun Kalilea a rong usun ekewe mettoch meinisin mi fisitä, a fokun osukosuk, pun ekoch aramas ra apasa pwe Johannes Soupapatais a manausefälitä.

Föför 23:26

“Ngang Klautius Lisias üa kapong ngeni en ämäfen kepina Feliks:

Föför 24:27

Iwe, ruu ier mürin, Porkius Festus a siwili Feliks lon wisen kepina. Nge Feliks a mochen kütta an chen me ren ekewe chon Juta, iei mine a likiti Paulus lon imwen fötek.

Föför 26:30

Mürin ewe king, ewe kepina me Pernike, pwal chokewe meinisin mi nom ra ütä o towu seni ewe leni.

Föför 4:27

Pun iei usun mine a fis: Herotes me Pontius Pilatus ra mwichfengen me ekewe chon lükün Israel me ekewe aramasen Israel lon ei telinimw ar repwe ü ngeni Jesus noumw Chon Angang mi pin, ätewe en ka epiti.