Lukas 24:50 - Chuukese Bible

⁵⁰ Mürin Jesus a emweniirewu seni Jerusalem o feila arap ngeni Petania. Ikenan a aitiela pöün wor o afeiöchüür.

Lukas 24:50 Iomraidhean Croise

Keneses 27:4

Iwe, kopwe föri och mongö mi anö usun ai mwon o uwato rei pwe üpwe mongö. Pun üa mochen afeiöchuk mwen ai üpwe mäla.”

Keneses 48:9

Iwe, Josef a üreni saman we, “Ir nei, Kot a ngeniei me lon ei fanü.” Nge Israel a apasa, “Kose mochen kopwe emwenireto pwe üpwe afeiöchüür.”

Keneses 49:28

Iei ekewe engol me ruu ainangen Israel, pwal iei usun mine semer we a üreniir, lupwen a afeiöchü eman me eman ren eu feiöch mi fich ngeniir.

Lifitikos 9:22

Iwe, wesin än Aaron eäni ekewe asoren tipis me asoren kek pwal asoren kinamwe, a aitiela pöün won ekewe aramas o afeiöchüür. Mürin a feitiu seni ewe rongen asor.

Mateus 21:17

Mürin Jesus a likitiirela, a towu seni ewe telinimw o feila Petania. Ikenan a pwinipwin ie.

Markus 10:16

Mürin Jesus a romi ekewe semirit, a iseis pöün won eman me eman leir o a afeiöchüür.

Markus 11:1

Iwe, lupwen ar fetal ngeni Jerusalem o ra arap ngeni Petfake me Petania, ra tori ewe chukun Olif. Iwe, Jesus a tinala ruoman nöün kewe chon kaiö, pwe repwe akomwola mwer.

Lukas 24:51

Lupwen an afeiöchüür a feitä seniir o feitä läng.

Föför 1:12

Mürin ekewe soukünö ra feitiu me won ewe Chukun Olif o liwinsefäliti Jerusalem, toauen ewe Chukun Olif seni ewe telinimw ina epwe ükükün esop mwail.

Föför 1:9

Iwe, lupwen Jesus a wes le apasatä ekei kapas, a feilunusetä läng lupwen ar nenengeni. Iwe, eu kuchu a amonala seniir.

1. Timoty 2:8

Üa mochen pwe lon ekewe lenien fel meinisin mwän repwe iotek, ir mwän mi pin fän iten Kot, repwe aitietä pöür lon ar iotek, nge resap song ika anini.

Josua 22:6

Iwe, Josua a afeiöchüür o tinirela. Nge ir ra liwiniti lenier.