Lukas 24:44 - Chuukese Bible

⁴⁴ Mürin a üreniir, “Iei met üa fen ürenikemi pwe epwe fis, lupwen üa chüen nonom remi: Meinisin mine a mak usi lon än Moses we Allük, pwal lon ekewe puken soufos me Kölfel epwe fokun pwönüetä.”

Lukas 24:44 Iomraidhean Croise

Keneses 14:18

Iwe, Melkisetek ewe kingen Salem a uwato pilawa me wain ren Apram. Melkisetek eman souasor nöün ewe Kot mi Unusen Tekia.

Keneses 22:18

Chon ekewe mwü won unusen fanüfan repwe feiöch me ren mwirimwirum kana, pun en ka aleasochis ngeni ai kapas.”

Keneses 3:15

Üpwe afiukemi me ewe fefin, pwal mwirimwirum me mwirimwirin. Men epwe puri mökürom, nge en kopwe küw apilipilin pechen.”

Keneses 49:10

Esap mwöküt senuk, Juta, ewe asisilen samol, nge mwirimwirum kana repwe nemenem fansoun meinisin tori epwe war ätewe mine an ewe nemenem. Iwe, chon ekewe mwü meinisin repwe aleasochis ngonuk.

Kölfel 118:22

Ewe fau ekewe chon kaü imw ra pöütala a wiliti ewe föün lepwokuku mi fokun aüchea.

Aisea 28:16

Iei mine Kot ewe Samol mi Lapalap a apasa, “Nengeni, üa anomu lon Sion eföü föün longolong mi nüküchar, eföü föün lepwokuku mi aüchea o pos. Iö a lükü i esap lichipüng.

Aisea 52:13

Ewe Samol mi Lapalap a apasa, “Nengeni, nei chon angang epwe lipwäköch, epwe seikitä o ling, epwe pwal fokun tekiatä.

Aisea 7:14

Iei mine ewe Samol mi Lapalap epwe püsin ngenikemi eu asisil. Nengeni, eman föpwül epwe pwopwo o nöüni eman ät, nge epwe aita ngeni Emanuel .

Aisea 9:6

Pun eman mönükol a uputiu rech. Kot a lifang ngenikich eman ät, i epwe ach sounemenem. Iwe, epwe iteni “Souekiek mi amwarar, Kot mi manaman, Samach mi nom tori feilfeilachök, pwal Samolun kinamwe.”

Jeremaia 23:5

Iei alon ewe Samol mi Lapalap, “Nengeni, epwe war ewe fansoun üpwe seikätä seni mwirimwirin Tafit efoch ‘Palan mi pwüng’, epwe king o nemenem fän tipachem, epwe föri mine a wenechar o pwüng me lon ewe fanü.

Jeremaia 33:14

Iei alon ewe Samol mi Lapalap, “Epwe war ewe fansoun, üpwe apwönüetä ewe pwon üa föri ngeni ekewe chon Israel me chon Juta.

Isikiel 17:22

Iei alon Kot ewe Samol mi Lapalap, “Püsin ngang üpwe fichi ülülen efoch irä setar, üpwe fichi efoch fasaran mi pwüküfö o fotuki won ungen eu chuk mi tekia.

Isikiel 34:23

Iwe, üpwe awisa eman chök chon mas pwe epwe tümwünüür. I epwe usun chök nei chon angang Tafit, epwe foleniir, epwe pwal ar chon mas.

Taniel 2:44

Iwe, lon fansoun mwün ekewe king, ewe Koten läng epwe aüetä eu mwü esap tongeni tala, esap pwal wor eu mwü epwe tongeni akufu. Iwe, ei mwü epwe ataela o arosala ekewe lusun mwü, nge epwe püsin nom tori feilfeilachök.

Taniel 7:13

Mürin üa küna me lon künaei lepwin eman a feito me lon kuchun läng, a usun chök lapalapen eman nöün aramas. Iwe, ra emwenato ren Kot ewe mi nom seni me lomlom, pwe epwe nom fän mesan.

Osea 3:5

Mürin, ekewe chon Israel repwe kul o kütta ewe Samol mi Lapalap ar we Kot, pwal eman mwirimwirin Tafit ar we king. Repwe feito ren ewe Samol mi Lapalap fän chechech o angei an feiöch lon fansoun epwe feito.

Amos 9:11

Iwe, ewe Samol mi Lapalap a apasa, “Epwe war ewe fansoun lupwen üpwe aüsefälietä ewe mwün Tafit mi wewe ngeni eu imw mi turula. Üpwe apinasa pwangan o försefäli mine a ta me won. Üpwe försefäli pwe epwe usun chök lon fansoun lom.

Sekaraia 12:10

Üpwe tinato won ekewe mwirimwirin Tafit me chon Jerusalem eman ngün mi amefi ngeni aramas usun ewe ümöümöchün Kot me eman ngün mi atufichiir lon ar iotek. Iwe, repwe nenengeni ätewe ra posu o ngüngüres won, usun eman a ngüngüres won nöün aleman, repwe kechüengau won, usun eman a kechüengau won nöün mwänichi.

Sekaraia 13:7

Iei alon ewe Samol mi Unusen Manaman, “Kopwe pwök, en ketilas, o fiu ngeni nei chon mas, ngeni ewe aramas mi fokun kan ngeniei. Kopwe niela ewe chon mas, pwe ekewe sip repwe toropasfeil. Üpwe ü ngeni ekewe aramas mi kis.

Sekaraia 14:4

Lon ena fansoun i epwe ütä won ewe Chukun Olif mi nom mwen Jerusalem me peliötiu. Iwe, ewe Chukun Olif epwe mökfesen lon ruu kinikin seni ötiu tori lotou, pwe epwe fis eu lemol mi fokun chölap. Iei usun epek ewe chuk epwe sönüla ngeni peliefeng, nge epek ngeni peliör.

Sekaraia 6:12

Iwe, kopwe üreni, ‘Iei alon ewe Samol mi Unusen Manaman: Nengeni, iei i ewe mwän mi iteni Ewe Palan. Epwe märitä seni lon lenian, epwe pwal aüsefälietä Imwenfelin ewe Samol mi Lapalap.

Sekaraia 9:9

Oupwe fokun meseik, ämi aramasen Sion. Oupwe akapwas fän pwapwa, ämi aramasen Jerusalem. Nengeni, ämi King a feito remi. A pwüng o pwora, nge a tipetekison o wawa eman aas, eman nienifön aas.

Numperis 21:8

Mürin, ewe Samol mi Lapalap a üreni Moses, “Kopwe föri uluulun eman serepenit seni piras o eitiuätä won efoch mwüüch. Nge lupwen ekewe serepenit ra küw eman, epwe manau are i epwe nenengeni ewe uluulun serepenit.”

Numperis 35:25

Iwe, ewe mwichen aramas epwe amanaua ewe mi niela aramas seni ätewe mi kütta liwinin chan aramasan. Iwe, repwe aliwinala ätewe ngeni an telinimwen op a fen süri me mwan, pwe epwe imweimw lon tori ewe souasor mi lap a kepit ren ewe lö mi pin epwe mäla.

Mateus 1:22

Ekei mettoch meinisin ra fis pwe epwe pwönüetä met ewe Samol a kapas me ren ewe soufos:

Mateus 16:21

Seni lon ena fansoun Jesus a popuetä le pwäri ngeni nöün kewe chon kaiö, pwe i epwe fokun feila Jerusalem, iwe, epwe küna riaföü me ren ekewe souakom, ekewe souasor mi lap me ekewe Sensen Allük. Repwe niela, nge mürin ülüngat rän epwe manausefälitä.

Mateus 26:54

Nge are epwe fis ei, epwe ifa usun an epwe pwönüetä makkeen ekewe Toropwe mi Pin mi apasa, pwe iei met epwe fokun fis?”

Mateus 26:56

Nge ekei mettoch meinisin ra fis pwe epwe pwönüetä mine ekewe soufos ra makkei lon ekewe Toropwe mi Pin.” Mürin ekewe chon kaiö meinisin ra likitala Jesus o süla.

Markus 9:31

pun a afalafala nöün kewe chon kaiö o a üreniir, “Nöün Aramas epwe tolong le pöün aramas, iwe, repwe niela. Nge mürin ülüngat rän epwe manausefäl.”

Lukas 21:22

Pun iei ekewe ränin apwüng, nge epwe popuetä meinisin mine a mak lon ekewe Toropwe mi Pin.

Lukas 22:37

Pun üpwe ürenikemi, pwe ekei kapas mi mak lon ekewe Toropwe mi Pin repwe pwönüetä fän itei, ‘I a alealong lein ekewe chon pupungau.’ Pun meinisin mine a mak fän itei epwe pwönüetä.”

Lukas 24:46

Iwe, a üreniir, “Iei usun a fen mak, pwe Kraist epwe fokun riaföü o manausefäl seni mäla lon aülüngatin rän.

Lukas 9:22

A pwal üreniir, “Nöün Aramas epwe fokun tolong lon riaföü watte, epwe küna koput me ren ekewe souakom, ekewe souasor mi lap me ekewe Sensen Allük. Repwe niela, nge mürin ülüngat rän epwe manausefälitä.”

Lukas 9:44

“Ousap manlükala met ei üpwe le ürenikemi. Nöün Aramas epwe tolong lepöün aramas.”

Johannes 3:14

“Usun Moses a atekiatä ewe serepenit seni piras lon ewe fanüapö, iei usun Nöün Aramas epwe tekiatä,

Johannes 5:39

Ämi oua achocho le kaiö masouen ekewe Toropwe mi Pin, pun oua ekieki pwe oupwe küna manau esemüch lor. Ekei Toropwe mi Pin ra pwärätä usi.

Johannes 5:46

Are ämi oua wesewesen lükü Moses, ämi oupwe pwal lüküei, pun i a makkei usi.

Föför 13:33

a apwönüetä fän itach, kich mwirimwirir, ren an amanauasefäli Jesus, usun a fen mak lon Kölfel sopun ruu: ‘En nei mwän, ikenai üa wiliti semom.’

Föför 13:40

Iei mine oupwe afälikemi, pwe esap fis ngenikemi mine ekewe soufos ra apasa,

Föför 2:27

Pun en kosap likitieila lon lenien ekewe mi mäla, kosap pwal mwüt ngeni Noumw we mi Pin epwe mach inisin lon peiasan.

Föför 3:18

Nge iei usun Kot a apwönüetä met a fen apasa me lomlom ren ekewe soufos meinisin, lupwen a apasa pwe nöün we Kraist epwe küna riaföü.

Föför 7:37

Moses ätewe mi üreni ekewe aramasen Israel, ‘Kot epwe tinala remi eman soufos usun chök ngang, i epwe eman me lein püsin aramasemi.’

Ipru 10:1

Pun ekewe Allük ra chök ngünüen ekewe mettoch mi mürina repwe feito, nge esap wesewesen iei inisin ekewe mettoch. Ra eäni ekewe chök sokun asor fansoun meinisin iteiten ier me ier. Epwe ifa usun än ekewe aramas mi feito ren Kot repwe tongeni unusöchüla ren ar apwönüetä ekewe allük usun ekewe asor?

Ipru 3:5

Moses a allükülük lon wisen eman chon angang lon unusen imwen Kot, a kapas usun ekewe mettoch Kot epwe apasa lon ekewe fansoun repwe feito.

Ipru 7:1

Ätei Melkisetek i kingen Salem, pwal eman souasor nöün Kot ewe mi Unusen Tekia. Lon fansoun Apraham a liwinto seni ewe maun lupwen a akufu ekewe föman king, Melkisetek a churi o afeiöchü.

Ipru 9:8

Iwe, ewe Ngünmifel a afatöchü lon ekei kokot meinisin, pwe ewe al ngeni ewe Leni mi Unusen Pin esamwo suk lupwen fansoun ewe Leni mi Pin a chüen nom.

1. Petrus 1:11

Ra küttafichi inet fansoun me lapalapen an epwe feito. Iei ewe fansoun ewe Ngünün Kraist mi nom lor a itini lupwen ra kapas usun ekewe riaföü Kraist epwe tolong lon, pwal usun ewe ling epwe tori me mürin.

Pwärätä 19:10

Iwe, üa chapetiu arun pechen ewe chon läng pwe üpwe fel ngeni, nge i a üreniei, “Kosap föri iei usun! Ngang eman chiechiom chon angang me chiechien pwiüm kewe, chokewe meinisin mi kamwöchünük won ewe let Jesus a pwärätä. Kopwe fel ngeni Kot!” Pun ewe let Jesus a pwärätä, iei met a amwelielia ekewe soufos.