Lukas 24:36 - Chuukese Bible

³⁶ Iwe, lupwen än ekewe ruoman ra apworausa ngeniir ei pworaus, Jesus a püsin ütä lefiler o üreniir, “Kinamwe epwe torikemi.”

Lukas 24:36 Iomraidhean Croise

Aisea 57:18

Iwe, üa küna föförür meinisin, nge üpwe chök amanaueer. Üpwe emweniir o fokun achipeer. Üpwe pwal aururu ir mi letipeta o föri pwe repwe mwareitiei.

Mateus 10:13

Are aramasen ewe imw ra etiwakemi, ämi kapongen kinamwe epwe nonom rer. Nge are resap etiwakemi, ämi kapongen kinamwe epwe liwinitikemi.

Markus 16:14

Mürilan meinisin Jesus a pwä ngeni ekewe engol me eman chon kaiö lupwen ra mongöfengen. Iwe, a fönöör pokiten esap wor ar lükülük, ra pwal tipeförea, pun resap lükü alon chokewe ra küna pwe Jesus a manausefäl.

Lukas 10:5

Lupwen oupwe tolong lon eu imw, oupwe akomwen apasa, ‘Kinamwe epwe tori chon ei imw.’

Johannes 14:27

Kinamwe üa likiti ngenikemi, ai kinamwe üa fang ngenikemi. Ai lifang esap wewe ngeni än fanüfan lifang. Ousap lolilen lon lelukemi, ousap pwal niuokus.

Johannes 16:33

Ngang üa fen ürenikemi usun ekei mettoch, pwe oupwe eäni kinamwe loi. Lon fanüfan ämi oupwe riaföü, nge oupwe apilükülük, pun ngang üa akufu fanüfan.”

Johannes 20:26

Eu wiik mürin ekewe chon kaiö ra pwal mwichfengen lon ewe imw, nge Tomas a nom rer. Iwe, ekewe asam ra lokola, nge Jesus a feito, a ütä lefiler o üreniir, “Kinamwe epwe torikemi!”

Föför 1:3

Lon ükükün faik rän mürin an mäla a pwä ngeniir fan chomong lon chomong sokun lapalap mi alletätä ngeniir pwe a wesewesen manau. Ra küna i, nge i a kapas ngeniir usun ewe Mwün Kot.

1. Korint 15:5

pwe a pwä ngeni Petrus, nge mürin a pwä ngeni ekewe engol me ruoman soukünö.

1. Korint 15:7

Mürin a pwä ngeni James, mürin a pwal pwä ngeni ekewe soukünö meinisin.

2. Tesalonika 3:16

Ach Samol, i popun ach kinamwe, epwe püsin ngenikemi kinamwe fansoun meinisin pwal ekis meinisin. Ach Samol epwe nonom remi meinisin.

Pwärätä 1:4

Kapong seni Johannes ngeni ekewe fisu mwichefel lon ewe fanü Asia: Ümöümöch me kinamwe seni Kot epwe nonom remi, ewe Kot mi nom iei, ewe a fen nonom me ewe epwe feito me mürin, pwal seni ekewe füman ngün mi nom mwen an we lenien motun king,