Lukas 24:32 - Chuukese Bible

³² Iwe, ra kapasfengen lefiler, “Ifa usun, esap usun eu ekkei mi ngetenget lon lelukach, lupwen a kapas ngenikich won al o afata ngenikich wewen ekewe Toropwe mi Pin?”

Lukas 24:32 Iomraidhean Croise

Kölfel 104:34

Amwo ai ekinlon epwe apwapwai letipen ewe Samol mi Lapalap, pun üa meseikeiti i.

Kölfel 39:3

Üa fokun lolilen. Iwe, lupwen üa ekinlon, ai riaföü a chök lapala. Mürin, üa kapas.

Än Salomon Fos 27:17

Mächä a akeni mächä, iei usun eman aramas a tongeni aöchüela pwal eman.

Än Salomon Fos 27:9

Noppuk me löpokus ra apwapwai leluken aramas, nge osukosuk a atai kinamwen aramas.

Aisea 50:4

Iwe, Kot ewe Samol mi Lapalap a atufichiei le kapas pwe üpwe silei met sokun kapas üpwe achipa ngeni chon riaföü. Iteiten lesosor a föngüniei, a suki selingei pwe üpwe tufichin aüseling usun eman chon kaiö a aüseling.

Jeremaia 15:16

Üa iseis lon lelukei om kewe kapas, lupwen ra toriei. Om kapas a fis pwe ai pwapwa, lelukei a meseik ren, pun itom a föü woi, ai Kot Samol mi Unusen Manaman.

Jeremaia 20:9

Nge are üa apasa, “Üsap chüen föüni iten ewe Samol mi Lapalap ika kapas fän itan,” mürin om kapas a usun chök ekkei mi kü me lon lelukei, a pwourur me lechüi. Üa resin apwosalong, nge üsap chüen tongeni.

Jeremaia 23:29

Ifa usun, ai kapas esap wewe ngeni ekkei, ika esap usun efoch ama mi amökkükisi achau?

Markus 4:34

Esap tongeni pworaus ngeniir won och are esap eäni pworausen awewe. Nge lupwen a emanüla ren nöün kewe chon kaiö, a awewe ngeniir wewen ekewe pworaus.

Lukas 24:45

Mürin a suki letiper, pwe repwe tongeni weweiti masouen ekewe Toropwe mi Pin.

Johannes 6:63

Ngünün Kot a afisätä manau, nge pöchökülen aramas esap fokun wor aüchean. Ekewe kapas üa fen ürenikemi ra eäni Ngün me manau.

Föför 28:23

Iei mine ra filätä eu rän pwe repwe churi Paulus lon. Iwe, chomong me leir ra feito lon ewe rän lon ewe leni ia Paulus a nonom ie. Seni lesosor tori lepwin a afalafaleer o awewe ngeniir usun ewe Mwün Kot. A sotuni le pese ngeniir usun ar repwe lükü Jesus ren an pwärätä ngeniir ekewe kapas seni än Moses kewe allük me seni mine ekewe soufos ra makkeetiu.

Ipru 4:12

Pun än Kot kapas a manau o manaman, a ken seni efoch ketilas mi seisei me rüepek. A tililong lon manauach o aimwüfeseni letipach me ngünüch, pwal lekupukupun lon chü me fituken lon chü. A pwal apwüngü mochen me ekiekin letipen aramas.