Lukas 24:27 - Chuukese Bible

²⁷ Mürin Jesus a awewe ngeniir met a mak lon ekewe Puk mi Pin usun püsin i. A popuetä seni ekewe puken Moses tori ekewe puken soufos meinisin.

Lukas 24:27 Iomraidhean Croise

Keneses 12:3

Iwe, üpwe afeiöchü ekewe chon afeiöchuk, nge afeiengaua ekewe chon afeiengauok. Iwe, chon ekewe mwü meinisin won fanüfan repwe küna feiöch reöm.”

Keneses 22:18

Chon ekewe mwü won unusen fanüfan repwe feiöch me ren mwirimwirum kana, pun en ka aleasochis ngeni ai kapas.”

Keneses 26:4

Ngang üpwe achomongala mwirimwirum kana pwe repwe usun chök chomongun fün läng, üpwe pwal ngeniir unusen ei fanü. Iwe, chon ekewe mwü meinisin won fanüfan repwe küna feiöch reöm,

Keneses 3:15

Üpwe afiukemi me ewe fefin, pwal mwirimwirum me mwirimwirin. Men epwe puri mökürom, nge en kopwe küw apilipilin pechen.”

Keneses 49:10

Esap mwöküt senuk, Juta, ewe asisilen samol, nge mwirimwirum kana repwe nemenem fansoun meinisin tori epwe war ätewe mine an ewe nemenem. Iwe, chon ekewe mwü meinisin repwe aleasochis ngonuk.

Kölfel 132:11

Ewe Samol mi Lapalap a akapel ngeni Tafit eu pwon mi let, nge esap atai, “Üpwe awisa eman me lein noum kewe mwän epwe siwiliik lon wisom wisen king.

Aisea 1:23

Om kewe souemwen ra wiliti chon pälüeni mwü, ra pwal chiechi ngeni chon solä. Ir meinisin ra sani lifangen amichimich, ra pwal tipemong won lifang. Resap peni chokewe mi mäsen lon kapwüng, resap pwal alisi ekewe fefin mi mä pwülüer.

Aisea 50:6

Üa mwüt ngeni chokewe mi mochen awataei pwe repwe wichi söküri, üa pwal asele ngeni sapei chokewe mi pösapeei. Üsap aopa won mesei seni chokewe mi turunufaseei o atufaei.

Aisea 7:14

Iei mine ewe Samol mi Lapalap epwe püsin ngenikemi eu asisil. Nengeni, eman föpwül epwe pwopwo o nöüni eman ät, nge epwe aita ngeni Emanuel .

Aisea 8:17

Ewe Samol mi Lapalap a amonala mesan seni ekewe mwirimwirin Jakop, nge ngang üpwe chök lükü i o apilükülükü.

Aisea 9:1

Nge ekewe aramas mi nom lon riaföü resap nonomfochofoch lon rochopwak. Me lom Kot a atekisonätiu ewe fanü Sepulon me Naftali, nge lon fansoun mwach epwe alinga ei fanü seni ewe al mi ale ngeni ewe matau watte tori ewe fanü pekilan ewe chanpupu Jortan, pwal tori ewe fanü Kaliläa, ia ekewe chon lükün Israel ra nom ie.

Isikiel 34:23

Iwe, üpwe awisa eman chök chon mas pwe epwe tümwünüür. I epwe usun chök nei chon angang Tafit, epwe foleniir, epwe pwal ar chon mas.

Isikiel 37:25

Iwe, repwe nonom lon ewe fanü ia ar kewe lewo ra fen nonom ie, ewe fanü üa ngeni nei we chon angang Jakop. Repwe nonom lon me nöür pwal mwirimwirir kewe tori feilfeilachök. Nge eman king usun chök nei chon angang Tafit epwe nemeniir tori feilfeilachök.

Taniel 7:13

Mürin üa küna me lon künaei lepwin eman a feito me lon kuchun läng, a usun chök lapalapen eman nöün aramas. Iwe, ra emwenato ren Kot ewe mi nom seni me lomlom, pwe epwe nom fän mesan.

Mika 5:6

Repwe liapeni ewe fanü Asiria, ewe fanüen Nimrot fän kenin ketilas. Repwe angasakem seni ekewe chon Asiria, lupwen repwe tolong lon fanüem.

Mika 7:20

Kopwe pwäri om allükülük me tong ellet ngeni äm noum kei aramas, äm mwirimwirin Apraham me Jakop usun ka pwon fän akapel ngeni äm kewe lewo lon ekewe fansoun lom.

Sekaraia 13:7

Iei alon ewe Samol mi Unusen Manaman, “Kopwe pwök, en ketilas, o fiu ngeni nei chon mas, ngeni ewe aramas mi fokun kan ngeniei. Kopwe niela ewe chon mas, pwe ekewe sip repwe toropasfeil. Üpwe ü ngeni ekewe aramas mi kis.

Sekaraia 9:9

Oupwe fokun meseik, ämi aramasen Sion. Oupwe akapwas fän pwapwa, ämi aramasen Jerusalem. Nengeni, ämi King a feito remi. A pwüng o pwora, nge a tipetekison o wawa eman aas, eman nienifön aas.

Malakai 4:2

Nge usun akkar a asarama fanü, iei usun pwüng epwe uwato manau ngenikemi mi aleasochisiei. Ämi oupwe towu o mwetemwet usun chök ekewe nienifön kow ra mwetemwet lupwen ra towu seni lenier.

Numperis 21:14

Iei mine a mak lon ewe puken maun än ewe Samol mi Lapalap, “Wahep lon Sufa me ekewe lemol, ewe chanpupu Arnon

Markus 4:34

Esap tongeni pworaus ngeniir won och are esap eäni pworausen awewe. Nge lupwen a emanüla ren nöün kewe chon kaiö, a awewe ngeniir wewen ekewe pworaus.

Lukas 24:25

Iwe, Jesus a üreniir, “Pwota iei me miritimangemi me mangen letipemi! Inet ämi oupwe lükü meinisin mine ekewe soufos ra apasa?

Lukas 24:44

Mürin a üreniir, “Iei met üa fen ürenikemi pwe epwe fis, lupwen üa chüen nonom remi: Meinisin mine a mak usi lon än Moses we Allük, pwal lon ekewe puken soufos me Kölfel epwe fokun pwönüetä.”

Johannes 1:45

Filip a küna Nataniel o üreni, “Äm aia küna ätewe Moses a mak usun lon ewe puken Allük, pwal ekewe soufos ra mak usun. I Jesus nöün Josef seni Nasaret.”

Johannes 12:41

Aisea a apasa ekei kapas, pun a küna än Jesus ling o kapas usun i.

Johannes 5:37

Iwe, ewe Sam mi tiniei a pwal pwärätä usi. Ämi ousap fokun rongorong mwelian ika küna won mesan,

Johannes 5:39

Ämi oua achocho le kaiö masouen ekewe Toropwe mi Pin, pun oua ekieki pwe oupwe küna manau esemüch lor. Ekei Toropwe mi Pin ra pwärätä usi.

Föför 10:43

Ekewe soufos meinisin ra pwärätä usun i o apasa, pwe meinisin mi lükü i repwe küna amusamusen ar tipis kana pokiten itan.”

Föför 3:18

Nge iei usun Kot a apwönüetä met a fen apasa me lomlom ren ekewe soufos meinisin, lupwen a apasa pwe nöün we Kraist epwe küna riaföü.

Föför 3:22

Pun Moses a apasa, ‘Ewe Samol ämi we Kot epwe tinato eman soufos usun chök ngang, i eman seni püsin aramasemi. Oupwe fokun aleasochisi meinisin mine a ürenikemi pwe oupwe föri.

Föför 3:24

Iwe, ekewe soufos, pwal Samuel me chokewe mi tapw me mürin, ir meinisin mi afalafal, ra fen kapas usun met epwe fis lon ekei rän.

Föför 7:37

Moses ätewe mi üreni ekewe aramasen Israel, ‘Kot epwe tinala remi eman soufos usun chök ngang, i epwe eman me lein püsin aramasemi.’

Föför 8:35

Mürin Filip a popuetä le kapas won ekei wokisin o apworausa ngeni ewe Pworausen Manau usun Jesus.

Tuteronomi 1:45

Mürin, oua liwinsefäl o kechiu fän mesen ewe Samol mi Lapalap. Nge i esap rongorong mweliemi ika aüselingakemi.

Tuteronomi 18:15

“Iwe, ewe Samol mi Lapalap ämi we Kot epwe awora eman soufos me leimi usun ngang, nge ämi oupwe aleasochisi.

Pwärätä 19:10

Iwe, üa chapetiu arun pechen ewe chon läng pwe üpwe fel ngeni, nge i a üreniei, “Kosap föri iei usun! Ngang eman chiechiom chon angang me chiechien pwiüm kewe, chokewe meinisin mi kamwöchünük won ewe let Jesus a pwärätä. Kopwe fel ngeni Kot!” Pun ewe let Jesus a pwärätä, iei met a amwelielia ekewe soufos.