Lukas 24:26 - Chuukese Bible

²⁶ Ifa usun, esap wisen Kraist pwe epwe küna ekei riaföü meinisin me mwen an epwe tolong lon an ling?”

Lukas 24:26 Iomraidhean Croise

Keneses 22:6

Mürin, Apraham a angei ewe mwüchün asoren kek o isetä won afaren Isaak nöün we. Nge ewe ekkei me ewe naif a püsin uwei. Iwe, lupwen ra mwinemwinela,

Taniel 9:26

Iwe, mürin ekewe fisu fän wone me ruu ier ewe mi kepit epwe ninnila, nge esap wor popun. Iwe, nöün eman samol sounfiu repwe war o ataela ewe telinimw me ewe Leni mi Pin. Nge sopolan ewe telinimw epwe war usun chök eu noter, epwe pwal fis maun me tatakis tori lesopolan, usun Kot a fen apwüngala.

Sekaraia 13:7

Iei alon ewe Samol mi Unusen Manaman, “Kopwe pwök, en ketilas, o fiu ngeni nei chon mas, ngeni ewe aramas mi fokun kan ngeniei. Kopwe niela ewe chon mas, pwe ekewe sip repwe toropasfeil. Üpwe ü ngeni ekewe aramas mi kis.

Lukas 24:44

Mürin a üreniir, “Iei met üa fen ürenikemi pwe epwe fis, lupwen üa chüen nonom remi: Meinisin mine a mak usi lon än Moses we Allük, pwal lon ekewe puken soufos me Kölfel epwe fokun pwönüetä.”

Lukas 24:46

Iwe, a üreniir, “Iei usun a fen mak, pwe Kraist epwe fokun riaföü o manausefäl seni mäla lon aülüngatin rän.

Lukas 24:7

‘Nöün Aramas epwe tolong lepöün chon tipis, epwe iräpenges, nge mürin ülüngat rän epwe manausefäl.’”

Johannes 2:22

Iei mine lupwen Jesus a manausefäl, nöün kewe chon kaiö ra chechemeni pwe a fen apasa ei. Ra lükü mine a mak lon ekewe Toropwe mi Pin, pwal mine Jesus a apasa.

Johannes 20:9

(Resap mwo weweiti mine a mak lon ekewe Toropwe mi Pin, pwe Jesus epwe fokun manausefäl seni mäla.)

Föför 17:3

a awewe ngeniir o alletätä seni lon ekewe wokisin pwe ewe Kraist epwe fokun tolong lon riaföü o manausefäl seni mäla. Iwe, Paulus a üra, “Ätei Jesus, ngang üa afalafala ngenikemi usun, iei i ewe Kraist.”

Ipru 12:2

Ousipwe chök nenengeni Jesus ewe chon popuetä me chon awesala ach lükülük. Esap fangatä pokiten ewe iräpenges, nge fänäsengesin ewe pwapwa mi nom mwan esap ekieki itengauen an mäla won ewe iräpenges. Iwe, iei a mottiu lepelifichin Kot.

1. Petrus 1:11

Ra küttafichi inet fansoun me lapalapen an epwe feito. Iei ewe fansoun ewe Ngünün Kraist mi nom lor a itini lupwen ra kapas usun ekewe riaföü Kraist epwe tolong lon, pwal usun ewe ling epwe tori me mürin.

1. Petrus 1:3

Ousipwe mwareiti Kot ewe Semen ach Samol Jesus Kraist! Pun lon an tong mi lapalap a aupusefälikich ren än Jesus Kraist manausefäl seni mäla. Ei a aurakich ren eu apilükülük mi manau,