Lukas 24:11 - Chuukese Bible

¹¹ Nge ekewe soukünö ra ekieki, pwe met ekewe fefin ra apworausa ngeniir esap wor allükülükün, iei mine resap lüküür.

Lukas 24:11 Iomraidhean Croise

Keneses 19:14

Iwe, Lot a towu ren kofotun nöün kewe föpwül o üreniir, “Oupwe feil seni ikei, pun ewe Samol mi Lapalap epwe atai ei telinimw.” Nge ir me ruoman ra ekieki pwe a chök urumwot.

2. King 7:2

Mürin, ewe meilap, ätewe mi wisen tümwünü ewe king, a üreni Elisa, “Inamwo are ewe Samol mi Lapalap epwe püsin suki asammwachon läng o tinato mongö, ei mettoch esap tongeni fis.” Nge Elisa a üreni, “Kopwe püsin küna ren mesom, nge kosap mongö seni.”

Hiop 9:16

Ika mwo ngang üpwe kökköri Kot, nge i epwe pälüeniei, üsap lükü pwe epwe rongorong ngeni ai kewe kapas.

Kölfel 126:1

Lupwen ewe Samol mi Lapalap a aliwinisefälikich ngeni Sion seni ach oola, sa usun chök chon tan.

Markus 16:11

Nge lupwen ar rongorong pwe Jesus a manau o neminewe a küna, resap lükü i.

Markus 16:13

Ekei ruoman ra liwiniti ekewe ekoch chon kaiö o apworausa ngeniir usun mine ra küna. Nge ir resap lüküür.

Markus 16:14

Mürilan meinisin Jesus a pwä ngeni ekewe engol me eman chon kaiö lupwen ra mongöfengen. Iwe, a fönöör pokiten esap wor ar lükülük, ra pwal tipeförea, pun resap lükü alon chokewe ra küna pwe Jesus a manausefäl.

Lukas 24:25

Iwe, Jesus a üreniir, “Pwota iei me miritimangemi me mangen letipemi! Inet ämi oupwe lükü meinisin mine ekewe soufos ra apasa?

Lukas 24:41

Pokiten ra fokun pwapwa o weitifengeniir, resap fen mwo lükü. Iei mine a aisiniir, “Ifa usun, esap wor och mongö ikei pwe üpwe mongö?”

Föför 12:9

Iwe, Petrus a tapwela mürin o towu seni ewe imwen fötek. Nge Petrus esap silei, pwe mine ewe chon läng a föri a wesewesen fis. A ekieki pwe a wor künaan.