Lukas 23:8 - Chuukese Bible

⁸ Iwe, lupwen Herotes a küna Jesus a fokun pwapwa, pun a fen mochen küna lon fansoun langatam. Pokiten mine a fen rong usun, a apilükülük ngeni an epwe küna och asisil Jesus epwe föri.

Lukas 23:8 Iomraidhean Croise

2. King 5:11

Nge Naeman a feila fän an song o üra, “Üa fokun ekieki pwe ewe soufos epwe towu rei, epwe ütä o köri iten ewe Samol mi Lapalap an we Kot, epwe amwökütükütü pöün won ewe ia a rupun pwötür ie, pwe epwe mola.

Mateus 14:1

Lon ena fansoun Herotes ewe samolun Kalilea a rong usun Jesus.

Markus 6:14

Iwe, ewe king Herotes a rong usun pworausen Jesus, pwe itan a föüla ekis meinisin. Ekoch aramas ra apasa, “Johannes Soupapatais a manausefäl seni mäla. Iei popun a wor an tufich le föri ekewe manaman.”

Markus 8:34

Mürin Jesus a körato ewe mwichen aramas me nöün kewe chon kaiö, iwe, a üreniir, “Are eman a mochen etiei, epwe pölükü manauan, epwe mwärei an iräpenges o tapweto müri.

Lukas 4:23

Nge a üreniir, “Ewer, üa silei pwe oupwe apasa ngeniei ei mwiitun, ‘Sousafei, kopwe püsin apöchökülok!’ Kopwe föri ikei lon püsin telinimwomw met aia rongorong pwe ka föri me lon Kapernaum.”

Föför 8:19

o üra, “Oupwe pwal ngeniei ei manaman, pwe are ngang üpwe iseis pei won eman, epwe angei Ngünmifel.”