Lukas 23:5 - Chuukese Bible

⁵ Nge ir ra chök alapala ar kapasen tipitipmwäl ngeni, “A afitikokoi ekewe aramas ren an afalafal lon unusen Jutea, a popuetä seni lon Kalilea o otourato ikei.”

Lukas 23:5 Iomraidhean Croise

Kölfel 22:16

Eu mwichen aramasangau a pwelifeiliei, ra rongeeila usun epwi pwiin kolak. Ra posu pei me pechei.

Kölfel 57:4

Chon oputaei mi wewe ngeni laion mi mwäräräiti le ochei aramas ra pwelifeiliei, ngir ra usun chök siles me föün esefich, nge chönawer ra usun chök ketilas mi ken.

Kölfel 69:4

Chokewe mi oputaei, nge esap wor popun, ra chomong seni iteiten meten mökürei. Chokewe mi mochen nieila ra pöchökül, ra kapas chofana usi. Ra pöchökül ngeniei pwe üpwe aliwinala mettoch üsap soläni.

Mateus 11:1

Iwe, lupwen Jesus a wes le öüröüra nöün kewe chon kaiö, a feila seni ikenan pwe epwe aiti ngeni aramas kapasen Kot o afalafaleer lon ekewe telinimw mi arap.

Mateus 2:1

Iwe, Jesus a uputiu lon Petleem lon ewe fanü Jutea lon mwün ewe king Herotes. Mürin ekis fansoun, ekoch mwän mi silelapei pekin kaiö ngeni fü seni fanüen ötiu ra feito Jerusalem.

Mateus 27:24

Iwe, lupwen Pilatus a küna pwe esap wor lomoten an epwe sopwela le kapas ngeniir, a pwal mefi pwe eu fitikoko epwe popuetä, a angei koluk o talü pöün me mwen ewe mwichen aramas o apasa, “Esap nom woi tipisin än ei aramas epwe ninnila. Epwe püsin nonom womi.”

Mateus 4:23

Iwe, Jesus a fetalfeil lon unusen Kalilea, a aiti ngeni aramas kapasen Kot me lon ekewe imwen felikis, a afalafala ewe Pworaus Allim usun ewe Mwün Kot, a pwal apöchöküla aramas mi eäni sokopaten samau me apwangapwang.

Markus 1:14

Iwe, mürin an Johannes tolong lon imwen fötek, Jesus a feila Kalilea o arongafeili ewe Pworausen Manau seni Kot.

Lukas 11:53

Iwe, lupwen Jesus a towu seni ewe imw, ekewe Sensen Allük me ekewe Farisi ra popuetä le fokun esita o ais ngeni chomong kapas ais usun chomong mettoch.

Lukas 23:23

Nge ekewe aramas ra chök sopwela le kökkö fän leüömong o tüngormau pwe epwe iräpenges. Feilfeil a pwönüetä mine ra eäni kökkö.

Lukas 23:6

Iwe, lupwen Pilatus a rong ekei kapas, a ais, “Ifa usun, ei mwän eman re Kalilea?”

Johannes 1:43

Iwe, sorotän ewe rän Jesus a filätä pwe epwe feila Kalilea. A küna Filip o üreni, “Kopwe tapweto müri.”

Johannes 19:15

Nge ir ra kökkö ngeni fän leüömong, “Kopwe niela, kopwe niela, kopwe iräpengesi!” Pilatus a aisiniir, “Ifa usun, oua mochen pwe üpwe iräpengesi nöümi king?” Ekewe souasor mi lap ra pölüeni, “Esap wor eman nöüm king pwe Sisar chök.”

Johannes 2:11

Iei aeuin manaman Jesus a föri lon Kana lon Kalilea, iwe, nöün kewe chon kaiö ra lükü i.

Johannes 7:41

Nge ekoch ra apasa, “I ewe Kraist.” Nge pwal ekoch ra apasa, “Kraist esap feito seni Kalilea.

Johannes 7:52

Ra pölüeni, “Ifa usun, pwal en eman re Kalilea? Kopwe kütta lon ekewe Toropwe mi Pin o küna, pwe esap wor eman soufos epwe feito seni Kalilea.”

Föför 10:37

Oua silei met a fis lon unusen Jutea, a popuetä me lon Kalilea mürin ewe papatais Johannes a afalafal usun.

Föför 23:10

Iwe, ewe anini a chök fokun wattela, pwe ewe sounemenemen sounfiu a niuokus, ika ekewe aramas repwe atatakisi inisin Paulus. Iei mine a allük ngeni nöün kewe sounfiu pwe repwe feitiu lon ewe mwich, repwe angeawu Paulus seniir o aliwinala lon ewe lenien sounfiu.

Föför 5:33

Iwe, lupwen chon ewe mwichen soupwüng ra rong ekei kapas, ra fokun lingeringer, pwe ra ekiekin niela ekewe soukünö.

Föför 7:54

Iwe, lupwen chon ewe mwichen soupwüng ra rongorong ngeni än Stefanus afalafal, ra fokun lingeringer o asüngürü ngiir lon ar song.

Föför 7:57

Lupwen ra rong ekei kapas, ra pinela selinger ngeni pöür o pupuchör fän leüömong. Iwe, ir meinisin ra rangeiti Stefanus,