Lukas 23:39 - Chuukese Bible

³⁹ Iwe, eman lein ekewe chon föföringau mi iräpenges ikenan a turunufasei Jesus o üreni, “Ifa usun, sap en Kraist? Kopwe püsin amanauok o pwal amanauakem!”

Lukas 23:39 Iomraidhean Croise

Mateus 27:44

Pwal mwo nge ekewe chon solä mi eti Jesus le iräpenges ra turunufasei i ren ekewe chök ititin kapas.

Markus 15:32

Iei i ewe a apasa pwe i Kraist, ewe Kingen Israel, epwe tötiu seni ewe iräpenges iei chök, pwe aipwe küna o lükü.” Pwal ätekewe mi eti Jesus le iräpenges ra eäni kapasen turunufas ngeni.

Lukas 23:35

Iwe, ekewe aramas ra ütä ikenan o kakatol, nge ekewe sounemenemen chon Juta ra turunufasei Jesus o apasa, “A amanaua ekoch, epwe püsin amanaua are i Kraist, ewe Kot a filätä.”

Lukas 23:37

Ra apasa, “Are en nöün ekewe chon Juta king, kopwe püsin amanauok!”

Lukas 23:40

Nge pwal ewe eman chon föföringau a apwüngü o üreni, “Ifa usun, kosap niuokusiti Kot? A pwüngüla om kopwe mäli ei sokun mäla usun chök i.