Lukas 23:33 - Chuukese Bible

³³ Iwe, lupwen ar tori ewe leni a iteni Poisökün Mökür, ra iräpengesi Jesus ikenan fiti ekewe ruoman chon föföringau, eman a nom lepelifichin, nge eman a nom lepelimöngun.

Lukas 23:33 Iomraidhean Croise

Kölfel 22:16

Eu mwichen aramasangau a pwelifeiliei, ra rongeeila usun epwi pwiin kolak. Ra posu pei me pechei.

Sekaraia 12:10

Üpwe tinato won ekewe mwirimwirin Tafit me chon Jerusalem eman ngün mi amefi ngeni aramas usun ewe ümöümöchün Kot me eman ngün mi atufichiir lon ar iotek. Iwe, repwe nenengeni ätewe ra posu o ngüngüres won, usun eman a ngüngüres won nöün aleman, repwe kechüengau won, usun eman a kechüengau won nöün mwänichi.

Mateus 20:19

mürin repwe atolonga lepöün ekewe chon lükün Israel. Ir repwe urumwotei, repwe wichi o iräpengesi. Nge mürin ülüngat rän epwe manausefälitä.”

Mateus 26:2

“Ämi oua silei pwe mürin ruu rän epwe fis ewe chulapen Pasofer. Iwe, Nöün Aramas epwe tolong lepöün aramas ar repwe iräpengesi.”

Lukas 24:7

‘Nöün Aramas epwe tolong lepöün chon tipis, epwe iräpenges, nge mürin ülüngat rän epwe manausefäl.’”

Johannes 18:32

Ei a fis an epwe pwönüetä met Jesus a apasa usun meni sokun mäla epwe mäli.

Johannes 3:14

“Usun Moses a atekiatä ewe serepenit seni piras lon ewe fanüapö, iei usun Nöün Aramas epwe tekiatä,

Föför 13:29

Iwe, mürin ar föri meinisin mine ekewe Toropwe mi Pin ra kapas usun i, ra angeatiu inisin seni won ewe iräpenges o anomu lon eu peias.

Föför 2:23

Püsin än Kot akot ei a fen apwüngala, pwe Jesus epwe oolong lepöümi, nge ämi oua niela ren ämi mwüt ngeni ekewe aramas mi tipis pwe repwe iräpengesi.

Föför 5:30

Än ach kewe lewo we Kot a amanauasefäli Jesus seni mäla, ätewe oua niela ren ämi chüfölüetä won efoch iräpenges.

Kalatia 3:13

Nge ren än Kraist küna anümamau fän itach a angasakich seni ewe anümamau ekewe Allük ra atoto woch, pun a mak lon ekewe Toropwe mi Pin, “Iö a mwöch won efoch irä a anümamau me ren Kot.”

Tuteronomi 21:23

inisin esap tongeni nom won ewe irä lon unusen ewe pwin. Nge kopwe peiaseni ewe mwän lon ewe chök ränin, pun eman aramas mi itiuätä won irä a anümamau me ren Kot. Kosap alimengaua ewe fanü ewe Samol mi Lapalap epwe ngonuk pwe kopwe fanüeni.

1. Petrus 2:24

Kraist a püsin uwei ach kewe tipis won inisin o uweiretä won ewe iräpenges, pwe kich sipwe mäla seni tipis o manau ngeni pwüng. Ren an kinas kana sia küna pöchökül.