Lukas 23:32 - Chuukese Bible

³² Ra pwal etekinala ruoman mwän mi föföringau pwe repwe ninnila fiti Jesus.

Lukas 23:32 Iomraidhean Croise

Aisea 53:12

Iei mine üpwe ngeni wisan me lein chokewe mi iteüöch, nge epwe ineti ngeni ekewe chon pwora liapan. Pun a fangala manauan o mäla, a pwal alealong lein chon pupungau. Iwe, a uwei tipisin chomong aramas o iotek fän iten chon pupungau.

Mateus 27:38

Mürin ra pwal iräpengesi ruoman chon solä fiti Jesus, eman a nom lepelifichin, nge eman lepelimöngun.

Markus 15:27

Ra pwal iräpengesi ruoman chon solä arun Jesus, eman a nom lepelifichin, nge eman lepelimöngun.

Lukas 22:37

Pun üpwe ürenikemi, pwe ekei kapas mi mak lon ekewe Toropwe mi Pin repwe pwönüetä fän itei, ‘I a alealong lein ekewe chon pupungau.’ Pun meinisin mine a mak fän itei epwe pwönüetä.”

Lukas 23:31

Pun are ekei sokun mettoch repwe fis lupwen ewe irä a manau, met epwe fis lupwen a pwasala?”

Johannes 19:18

Ikenan ra iräpengesi Jesus. Ra pwal iräpengesi ruoman mwän, eman a nom epek nge pwal eman epek, nge Jesus a nom lukalaper.

2. Timoty 2:9

Pokiten ngang üa afalafala ewe Pworausen Manau, üa tolong lon riaföü, üa fen mwo nge föfö ngeni selimächä usun eman chon föföringau. Nge än Kot kapas esap föfö.

Ipru 12:2

Ousipwe chök nenengeni Jesus ewe chon popuetä me chon awesala ach lükülük. Esap fangatä pokiten ewe iräpenges, nge fänäsengesin ewe pwapwa mi nom mwan esap ekieki itengauen an mäla won ewe iräpenges. Iwe, iei a mottiu lepelifichin Kot.