Lukas 23:24 - Chuukese Bible

²⁴ Iei mine Pilatus a apwüngala, pwe epwe fis ngeni Jesus mine ra tüngor.

Lukas 23:24 Iomraidhean Croise

Ekistos 23:2

Kosap eti eu mwichemongun aramas le föri mine a ngau. Nge lupwen ka pwärätä lon kapwüng, kosap sorei mine a pwüng ren om pelieni eu mwichemongun aramas.

Än Salomon Fos 17:15

Ewe Samol mi Lapalap a oput ätewe mi aitöchü ekewe aramasangau me ätewe mi atipisi ekewe chon pwüng.

Mateus 27:26

Iwe, mürin Pilatus a amusawu Parapas ngeniir, nge a wichi Jesus o atolonga lepöün ekewe sounfiu pwe repwe iräpengesi.

Markus 15:15

Iei mine Pilatus a apwönüetä mochenin ewe mwichen aramas o amusa ngeniir Parapas. Iwe, a üreniir, pwe repwe wichi Jesus o etekinala, pwe epwe iräpenges.

Lukas 23:23

Nge ekewe aramas ra chök sopwela le kökkö fän leüömong o tüngormau pwe epwe iräpenges. Feilfeil a pwönüetä mine ra eäni kökkö.

Lukas 23:25

A amusala ewe mwän mi nom lon imwen fötek pokiten an afisätä fitikoko me niela aramas, i ätewe ra tüngor an epwe musala. Nge a mwüt ngeniir Jesus pwe repwe föri ngeni mine ra mochen.

Johannes 19:1

Mürin Pilatus a üreni ekewe sounfiu, “Oupwe etekinala Jesus o wichi.”