Lukas 23:2 - Chuukese Bible

² Ikenan ra popuetä le atipisi Jesus o üra, “Äm aia küna ei mwän pwe a emweningaua aramasen fanüach. A üreniir pwe resap takises ngeni Sisar, a pwal apasa pwe püsin i Kraist ewe king.”

Lukas 23:2 Iomraidhean Croise

1. King 18:17

Iwe, lupwen Ahap a küna Elias, a üreni, “Iei ka war, en ätewe mi atolonga Israel lon feiengau?”

Kölfel 35:11

Chon pwärätä chofana ra ü ngeniei, ra atipisiei won föför üsap silei.

Kölfel 62:4

Oua chök ekiekin asapwilätiu i seni wisan mi tekia, oua pwapwaäsini kapas chofana. Oua eäni kapasen afeiöch, nge oua otteki me lon lelukemi.

Jeremaia 20:10

Üa rongorong möngününgünün chomong aramas, “Niuokus watte a nom ekis meinisin. Ousipwe aturu i, ousipwe aturu i.” Pwal chiechiei kewe meinisin ra witiwiti ai üpwe turula. Ra apasa, “Eli epwe tup, mürin sipwe liapeni o ngeni chappen an föför.”

Jeremaia 38:4

Mürin, ekewe nöüwis ra üreni ewe king, “Kopwe mwütätä pwe ei mwän epwe ninnila. Pun a akisikisala leluken ekewe sounfiu mi chüen nom lon ei telinimw me leluken ekewe aramas meinisin ren an apasa ekei sokun kapas ngeniir. Ei mwän esap kütta feiöchün ekei aramas, ngei feiengauer.”

Amos 7:10

Mürin, Amasia ewe souasor mi nom lon Petel a titila ren Jeropoam ewe kingen Israel o apasa, “Amos a rawangaueek lein chon Israel. An kapas a angauala chon ei fanü.

Sekaraia 11:8

Mürin, üa niela ülüman chon mas lon eu chök maram, pun üsap chüen tongeni engila ngeniir, nge pwal ir ra oputaei.

Mateus 17:27

Nge sisap mochen ochou ekei aramas, iei mine kopwe feila efief lon ewe noom. Iwe, ewe aemanün ik kopwe liapeni, kopwe suki awan o angei ena föün moni mi naf fän iten ach takises ngeni ewe imwenfel. Kopwe ngeniir pwe takisesi me takisesum.”

Mateus 22:21

Ra pölüeni, “Liosun Sisar me itan.” Iei mine Jesus a üreniir, “Mi pwüng! Oupwe ngeni Sisar mine än Sisar, nge oupwe ngeni Kot mine än Kot.”

Mateus 27:11

Iwe, lupwen Jesus a ütä me mwen ewe kepina Pilatus, Pilatus a aisini, “Ifa usun, en nöün chon Juta we king?” Jesus a pölüeni, “Ewer, usun om apasa.”

Markus 12:17

Mürin Jesus a üreniir, “Mi pwüng! Oupwe ngeni Sisar mine än Sisar, nge oupwe ngeni Kot mine än Kot.” Iwe, ra fokun mwar ren mine a pölüeniir won.

Markus 15:2

Iwe, Pilatus a aisini Jesus, “Ifa usun, en nöün chon Juta we king?” Jesus a pölüeni, “Ewer, usun om apasa.”

Lukas 23:14

o a üreniir, “Ämi oua apasa lupwen oua emwenato ei mwän rei pwe a emweningauei ekewe aramas. Iei üa atittina me mwemi, nge üsap küna och tipisin ei mwän ren mine oua atipisi won.

Lukas 23:5

Nge ir ra chök alapala ar kapasen tipitipmwäl ngeni, “A afitikokoi ekewe aramas ren an afalafal lon unusen Jutea, a popuetä seni lon Kalilea o otourato ikei.”

Johannes 18:29

Iei mine Pilatus a towu rer o aisiniir, “Met oua atipisi ei mwän ren?”

Johannes 18:30

Ra pölüeni, “Äm aisap tongeni emwenato ei mwän, are esap wor an föföringau.”

Johannes 19:12

Iei mine Pilatus a sotuni le kütta efoch al an epwe angasa Jesus. Nge ewe mwichen aramas a kökkö ngeni fän leüömong, “Are en kopwe angasala ätei, kosap chiechien Sisar! Pun eman mi püsin apasa pwe i king, a ü ngeni Sisar!”

Föför 24:13

Resap pwal tongeni alletätä pwe a let ekewe kapasen atipisi ra aturuei won iei.

Föför 24:5

Äm aia mefi pwe ei mwän eman aramas mi fokun afeiengau. A popuetä fitikoko lein ekewe chon Juta won unusen fanüfan, i eman souemwenin ewe mwichen Nasaret.

Nöün Paulus Toropwe ngeni ekewe Souläng lon Rom 13:7

Oupwe ngeni ekei aramas mine oupwe wisen ngeniir. Oupwe mönätiu ämi takises me ekewe sokopaten takises ngeni chokewe ra wisen angei takises senikemi, oupwe meniniti ekewe aramas a wor meniniir, oupwe asamolu ekewe aramas a wor sufölüür.