Lukas 22:56 - Chuukese Bible

⁵⁶ Mürin eman chon angang fefin a küna Petrus pwe a momot ikenan ünükün ewe ekkei, a newenewen ngeni o üra, “Ei mwän a pwal eti Jesus.”

Lukas 22:56 Iomraidhean Croise

Mateus 26:69

Iwe, lupwen Petrus a nom lon ewe leni lükün imwen ewe Souasor mi Lap, eman föpwül nöün ewe Souasor mi Lap chon angang a feito ren o üreni, “En pwal eman mi eti Jesus seni Kalilea.”

Markus 14:17

Iwe, lupwen a tori lekuniol, Jesus me nöün kewe engol me ruoman chon kaiö ra wareiti ewe leni.

Markus 14:6

Nge Jesus a üreniir, “Oupwe likitala neminei. Pwota oua osukosuka? A föri ngeniei eu föför mi fokun mürina.

Markus 8:25

Mürin Jesus a iseissefäl pöün won mesen ewe mwän. Iwe, mesan kana ra newenewenela o öchsefäl, pwe a tongeni künaöchu mettoch meinisin.

Lukas 22:55

Lupwen ra akküw eu ekkei lukalapen ewe leni mwen imwen ewe Souasor mi Lap o motfengen ünükün, Petrus a pwal mot rer.

Lukas 22:57

Nge Petrus a amamäsini o üreni, “Fefin, ngang üsap silei ätewe.”

Johannes 18:17

Iwe, ewe föpwül mi nom ünükün ewe asam a üreni Petrus, “Ifa usun, sap pwal en eman nöün enan mwän kewe chon kaiö?” Petrus a pölüeni, “Apw, sap pwal ngang.”