Lukas 22:41 - Chuukese Bible

⁴¹ Mürin a feila seniir ina epwe ükükün toauen än eman monei eföü fau. Iwe, a fotopwäsuketiu o iotek.

Lukas 22:41 Iomraidhean Croise

Mateus 26:39

Iwe, Jesus a feila ekis, a chapetiu lepwül o iotek, “Semei, are epwe tufich, kopwe angei seniei ei kapen riaföü, nge are ese tufich, letipom epwe fis, nge sap letipei.”

Markus 14:35

Mürin Jesus a feila ekis, a chapetiu le pwül o iotek, pwe ika epwe tufich ei fansoun riaföü epwe feil seni.

Lukas 18:11

Iwe, ewe Farisi a ütä, a iotek lon lelukan o üra, ‘Ai Kot, üa kilisou ngonuk, pwe üsap usun ekewe ekoch aramas, ir chon solä, chon pwüngingau, chon lisowu, ika fen pwal usun ei chon ioni takises.

Lukas 18:13

Nge ewe chon ioni takises a ütä me toau, esap fen mwo nge netä läng, nge a pisiri fän mwärin o apasa, ‘Ai Kot, kopwe ümöümöch ngeniei, ngang eman chon tipis.’”

Föför 20:36

Lupwen än Paulus wes le apasatä ekei kapas, a fotopwäsuketiu fiti ir meinisin o iotek.

Föför 21:5

Nge lupwen äm fansoun nonom rer a wes, aia likitiir o sopwela äm sai. Nge ir meinisin fiti pwülüer me nöür kana ra etikeemiwu seni ewe telinimw tori ewe pi. Ikenan äm meinisin aia fotopwäsuk o iotek.

Föför 7:60

Mürin a fotopwäsuketiu o kökkö fän leüömong, “Ai Samol, kopwe amusala ei tipis ra föri ngeniei.” Mürin an apasa ei a mäla.

Föför 9:40

Iwe, Petrus a atowu ekewe aramas meinisin me lon ewe ruum, a fotopwäsuketiu o iotek. Mürin a kul ngeni ewe somä o apasa, “Tapita, kopwe pwätä!” Iwe, neminewe a nenela, nge lupwen a küna Petrus a pwätä.

Ipru 5:7

Lon fansoun än Jesus manau won fanüfan, a iotek o tüngor fän mwelian mi leüömong, a pwal kechü ngeni Kot, ewe mi tongeni amanaua i seni mäla. Iwe, Kot a aüselinga i, pun a meniniti i.