Lukas 22:40 - Chuukese Bible

⁴⁰ Iwe, lupwen a tori ewe leni, a üreniir, “Oupwe iotek, pwe ousap turulong lon sosot.”

Lukas 22:40 Iomraidhean Croise

1. Kronika 4:10

Nge Japes a iotek ngeni ewe Koten Israel, “Ai Kot, kose mochen afeiöchüei o awatteela kiännin fanüei. Kopwe etiei o tümwünüei pwe üsap feiengauaei.” Iwe, Kot a apwönüetä mine a tüngor.

Kölfel 119:133

Kopwe anükücharaei pwe üsap tur, usun ka pwon, nge kosap mwüt ngeni tipis epwe nemenieila.

Kölfel 17:5

Üa chök fetal lon om kewe al, nge üsap rik seni.

Kölfel 19:13

Kopwe pwal tümwünüei pwe ngang noum chon angang üsap föri tipis ren mochenin letipei. Kosap mwüt ngeniir pwe repwe nemeniei. Mürin üpwe unusöch lon manauei o ngas seni pupungau mi watte.

Mateus 6:13

Iwe, kosap atolongakem lon sosot, nge kopwe angasakem seni ewe mi ngau. [Pun om chök mwü me manaman me ling feilfeilachök. Amen’]

Lukas 11:4

Kopwe amusala äm kewe tipis pun äm aia amusala chokewe meinisin mi tipis ngenikem. Kosap atolongakem lon sosot.’”

Lukas 22:46

Mürin a aisiniir, “Pwota oua chök mömöür, oupwe pwätä o iotek, pwe ousap turulong lon sosot.”

1. Petrus 4:7

Iwe, a arapoto sopolan mettoch meinisin. Iei mine oupwe püsin nemeni letipemi o mamasakemi, pwe epwe tongeni fis ämi iotek.

Pwärätä 3:10

Pokiten ka tümwünü ai kewe kapas, pwe kopwe likitü fän mosonotam, üpwe pwal tümwünuk seni ewe fansoun riaföü epwe feito won unusen fanüfan, pwe epwe sotuni aramas meinisin mi nom won fanüfan.