Lukas 22:37 - Chuukese Bible

³⁷ Pun üpwe ürenikemi, pwe ekei kapas mi mak lon ekewe Toropwe mi Pin repwe pwönüetä fän itei, ‘I a alealong lein ekewe chon pupungau.’ Pun meinisin mine a mak fän itei epwe pwönüetä.”

Lukas 22:37 Iomraidhean Croise

Aisea 53:12

Iei mine üpwe ngeni wisan me lein chokewe mi iteüöch, nge epwe ineti ngeni ekewe chon pwora liapan. Pun a fangala manauan o mäla, a pwal alealong lein chon pupungau. Iwe, a uwei tipisin chomong aramas o iotek fän iten chon pupungau.

Markus 15:27

Ra pwal iräpengesi ruoman chon solä arun Jesus, eman a nom lepelifichin, nge eman lepelimöngun.

Markus 15:28

[Iwe, a pwönüetä mine a mak lon ekewe Toropwe mi Pin, “A alealong lein ekewe chon pupungau.”]

Lukas 18:31

Mürin Jesus a aimwüela ekewe engol me ruoman chon kaiö o üreniir, “Oupwe rongorong! Oukich sipwe feitä Jerusalem. Ikenan mettoch meinisin mi makketiu me ren ekewe soufos usun Nöün Aramas epwe pwönüetä.

Lukas 22:22

Pun Nöün Aramas epwe mäla usun Kot a fen apwüngala, nge feiengauen ätewe epwe afangamä i.”

Lukas 22:36

Iwe, a üreniir, “Nge iei, are a wor an eman pwotou are chota, epwe fokun angei. Nge are esap wor nöün eman ketilas, epwe amömöla üfan sekit o möni efoch.

Lukas 22:52

Mürin Jesus a üreni ekewe souasor mi lap, ekewe meilapen chon tümwünü ewe imwenfel me ekewe souakomwen lamalam mi feito pwe repwe turufi, “Oua feito fän ketilas me wok pwe oupwe turufiei, usun ämi oupwe turufi eman chon föföringau?

Lukas 23:32

Ra pwal etekinala ruoman mwän mi föföringau pwe repwe ninnila fiti Jesus.

Lukas 24:27

Mürin Jesus a awewe ngeniir met a mak lon ekewe Puk mi Pin usun püsin i. A popuetä seni ekewe puken Moses tori ekewe puken soufos meinisin.

Johannes 10:35

Kich sia silei pwe kapasen ekewe Toropwe mi Pin ra let tori feilfeilachök. Iwe, Kot a aita ngeni ekei aramas kot, ir chokewe ra angei an Kot kapas.

Johannes 17:4

Üa fen alingok won fanüfan o awesala ewe angang ka ngeniei pwe üpwe föri.

2. Korint 5:21

Kraist esap wor an tipis, nge fän itach Kot a föri pwe i a tipisini tipisich, pwe kich sipwe küna pwüngün Kot lon i.

Kalatia 3:13

Nge ren än Kraist küna anümamau fän itach a angasakich seni ewe anümamau ekewe Allük ra atoto woch, pun a mak lon ekewe Toropwe mi Pin, “Iö a mwöch won efoch irä a anümamau me ren Kot.”