Lukas 22:36 - Chuukese Bible

³⁶ Iwe, a üreniir, “Nge iei, are a wor an eman pwotou are chota, epwe fokun angei. Nge are esap wor nöün eman ketilas, epwe amömöla üfan sekit o möni efoch.

Lukas 22:36 Iomraidhean Croise

Mateus 10:10

ousap pwal uwou pwotou lon ämi sai ika aruachön üfemi söch ika sus ika efoch wok. Pun eman chon angang a aüchea ngeni an epwe angei mine a osupwang ren.

Lukas 22:35

Mürin Jesus a aisini nöün kewe chon kaiö, “Lupwen üa tinikemiila, nge ousap uwou pwotou, chota me sus, ifa usun, oua osupwangen och mettoch?” Iwe, ra pölüeni, “Ap, aisap osupwangen och mettoch.”

Lukas 22:37

Pun üpwe ürenikemi, pwe ekei kapas mi mak lon ekewe Toropwe mi Pin repwe pwönüetä fän itei, ‘I a alealong lein ekewe chon pupungau.’ Pun meinisin mine a mak fän itei epwe pwönüetä.”

Lukas 22:38

Iwe, ekewe chon kaiö ra üreni, “Äm Samol, nengeni, a wor ruofoch ketilas ikei.” Nge Jesus a pölüeniir, “A naf.”

Johannes 15:20

Oupwe chechemeni pwe üa ürenikemi, ‘Esap wor eman chon angang a lap seni an masta.’ Are ra ariaföüüei, repwe pwal ariaföüükemi. Are ra aleasochisi ai kewe kapas, repwe pwal aleasochisi ämi kewe kapas.

Johannes 16:33

Ngang üa fen ürenikemi usun ekei mettoch, pwe oupwe eäni kinamwe loi. Lon fanüfan ämi oupwe riaföü, nge oupwe apilükülük, pun ngang üa akufu fanüfan.”

1. Tesalonika 3:4

Pun lupwen aia chüen nom remi, aia ürenikemi me mwen an esamwo fis, pwe sipwe tolong lon riaföü. Iwe, ei a wesewesen fis usun oua fokun silei.

1. Petrus 4:1

Iwe, pokiten Kraist a riaföü lon inisin, iei mine oupwe pwal amolakemi pwe oupwe eäni ewe sokun ekiek Kraist a eäni, pun eman mi riaföü lon inisin esap chüen föföri tipis.