Lukas 22:35 - Chuukese Bible

³⁵ Mürin Jesus a aisini nöün kewe chon kaiö, “Lupwen üa tinikemiila, nge ousap uwou pwotou, chota me sus, ifa usun, oua osupwangen och mettoch?” Iwe, ra pölüeni, “Ap, aisap osupwangen och mettoch.”

Lukas 22:35 Iomraidhean Croise

Keneses 48:15

Mürin a afeiöchü Josef o apasa, “Ewe Kot semelapei kewe Apraham me Isaak ra angang ngeni, ewe Kot mi emweniei lon unusen ränin manauei tori ikenai,

1. King 11:22

Nge Farao a aisini, “Ifa usun, üa tümwününgau ngonuk, pwe ka ekiekin liwiniti poputän fanüom?” Nge Hatat a üreni, “Apwi, kopwe chök mwüt ngeniei pwe üpwe le feila.”

Kölfel 23:1

Ewe Samol mi Lapalap ai chon mas, üsap osupwang ren och mettoch.

Kölfel 37:3

Kopwe apilükülükü ewe Samol mi Lapalap o föri mine a mürina, pwe kopwe nonom lon ewe fanü fän kinamwe.

Lukas 10:4

Ousap uwou lenien iseis moni are pwotou are eu pean sus. Ousap üla pwe oupwe kapong me won al.

Lukas 22:34

Nge Jesus a pölüeni, “Petrus, ngang üpwe ürenuk, pwe lon chök ei pwin mwen ewe chuko epwe kökkö, en kopwe amamäsiniei fän ülüngat.”

Lukas 22:36

Iwe, a üreniir, “Nge iei, are a wor an eman pwotou are chota, epwe fokun angei. Nge are esap wor nöün eman ketilas, epwe amömöla üfan sekit o möni efoch.

Lukas 9:3

Iwe, a üreniir, “Ousap uwei och lon ämi sai. Ousap uwou wok, pwotou, mongö, moni ika pwal aruachön üfemi.

2. Korint 8:15

Pun a mak lon ekewe Toropwe mi Pin, “Iö a ioni chomong esap wor somwan, nge iö a ioni kükün esap nafangau.”

Tuteronomi 8:16

Iwe, a pwal amongökemi mana lon ewe fanüapö, eu mongö ämi kewe lewo resap küküna me mwan. A awarato weires womi pwe epwe atekisonakemi o sotunikemi, pun epwe afeiöchükemi lesopolan.