Lukas 22:31 - Chuukese Bible

³¹ “Simon, Simon, nengeni, Satan a angei an mwümwütä pwe epwe sotunikemi, epwe mworeikemi usun aramas ra mworei föün wiich, pwe pöör epwe imwü seni föün.

Lukas 22:31 Iomraidhean Croise

Aisea 28:28

Ifa usun, eman a wichi umwun wiich tori föün ra tala? Apwi, esap fokun wichifochei. Nge lupwen a wichi ren pisekin wichiwich, a silei inet epwe ükütiu, pwe ekewe föün resap tala.

Amos 9:9

Ngang üpwe allük ngeni chon oputen Israel, pwe repwe morei ekewe chon Israel. Ngang üpwe moreer me lein chon ekewe mwü meinisin usun eman a morei föün wiich lon eu moromor, nge esap wor eföü kükün föün epwe morotiu lepwül.

Sekaraia 3:1

Mürin, Kot a aküna ngeniei Josua ewe souasor mi lap mi ütä fän mesen nöün ewe Samol mi Lapalap chon läng, nge Satan a ütä lepelifichin Josua pwe epwe atipisi.

Mateus 26:30

Mürin ra eäni echö kölün kilisou, ra towu seni ewe imw o feila won ewe Chukun Olif.

Mateus 4:10

Jesus a üreni, “Kopwe sü seniei Satan! Pun a mak lon ekewe Toropwe mi Pin, ‘Kopwe fel ngeni ewe Samol om Kot o angang ngeni i chök.’”

Lukas 10:41

Nge ewe Samol a pölüeni, “Marta, Marta, ka öürek o osukosuk ren chomong mettoch,

Föför 9:4

Iwe, a turutiu le pwül, nge a rongorong eu möngüngü mi üreni, “Saul, Saul, pwota ka ariaföüüei?”

1. Korint 5:5

oupwe esechala ätei ngeni Satan pwe inisin epwe mäfeiengau, nge ngünün epwe küna manau lon ewe Ränin ach Samol.

2. Korint 2:11

Üa föri ei, pwe esap wor än Satan nemenem woch, pun sia silei an ekiek.

1. Petrus 5:8

Oupwe amolakemi o mamasa, pun Tefil, ewe chon oputakemi, a fetalfeil usun eman laion mi wörüwör, nge a kütta iö epwe oromala.

Pwärätä 12:10

Mürin üa rongorong eu möngüngü mi leüömong lon läng a apasa, “Iei a fis än Kot amanaua aramas! Iei Kot a pwärätä an tufich le nemenem. Iei nöün we Messaia a pwärätä an nemenem! Pun ewe chon atipisi pwiich kewe lerän me lepwin mwen mesen Kot a koturutiu seni läng.