Lukas 22:20 - Chuukese Bible

²⁰ Pwal ina chök usun, a ngeniir ewe kap mürin ar mongö o apasa, “Ei kap än Kot we pwon mi fö mi fis ren chai a ninnila fän itemi.

Lukas 22:20 Iomraidhean Croise

Ekistos 24:8

Iwe, Moses a angei ewe cha lon ekewe sepi, a ütätä won ekewe aramas o apasa, “Iei chan ewe pwon ewe Samol mi Lapalap a föri ngenikemi pwe longolongun ekei kapas meinisin.”

Jeremaia 31:31

Iei alon ewe Samol mi Lapalap, “Epwe war ewe fansoun üpwe föri eu pwon mi fö ngeni chon Israel me chon Juta.

Sekaraia 9:11

Iwe, ewe Samol mi Lapalap a apasa, “En Sion, pokiten ai we pwon ngonuk mi fis fän cha, üpwe angasala noum kewe chon fötek seni ar oola mi wewe ngeni eu pwang esap wor koluk lon.

Mateus 26:28

Pun iei chai a allükülükü än Kot we pwon mi fö ngenikemi, a ninnila fänäsengesin chomong aramas, pwe amusamusen ar tipis kana.

Markus 14:24

Jesus a apasa, “Iei chai mi ninnila fänäsengesin chomong aramas, ei cha a anükünükü än Kot pwon ngenikich.

1. Korint 11:25

Pwal ina chök usun mürin ar mongö, a angei ewe kap o apasa, “Ei kap iei än Kot we pwon mi fö lon chai. Iteiten fansoun oupwe ün seni ei kap, oupwe chechemeniei.”

2. Korint 3:6

I ewe mi alipwäköchükem äm aipwe chon angang ngeni ewe pwon mi fö. Ei pwon esap fis ren allük mi mak, nge a fis ren Ngünmifel, pun ewe allük mi mak a afisätä mäla, nge ewe Ngünmifel a ngenikich manau.

Ipru 12:24

Oua feito ren Jesus ewe chon afförün eu pwon mi fö, pwal ren ewe cha ra aea le käsup, a eäni kapas mürina seni chaan Epel.

Ipru 13:20

Iwe, ewe Koten kinamwe mi amanauasefäli ach Samol Jesus seni mäla ren chaan ewe pwon mi nom tori feilfeilachök, i ewe Chon Masen sip mi fokun tekia,

Ipru 9:15

Iei popun Kraist a wisen chon afförün ewe pwon mi fö, pwe chokewe Kot a köriir repwe angei ewe feiöch esemüch, Kot a fen pwon. Ei a tongeni fis, pun Kraist a mäla pwe epwe angasa aramas seni ar tipis kana ra föri fän ewe aeuin pwon.

Ipru 9:17

Pun eu amwirinimä a lomotongau are ewe aramas mi föri a chüen manau, pwe a chök tongeni pwönüetä mürin an mäla.